7月上旬港股尋底

2022/06/28 23:08:09 網誌分類: 經濟

28 Jun

14/7 周四恆指收20751, 跌46點，肥牛命危

港股繼續底頂下移，低見20554即彈，扮守得住20500，27/5上升裂口20272-20494仍未回補是後患，該處有重倉牛千多張，港股連續兩日收市跌幅不大，係大龍鳳先兆

人民幣非常疲弱, 今日收跌251點子報6.7480, 為19/5以來最低, 老外沽出A股散水, 中港股市低處未算低, 沽空急增, 後市不妙，要向20000進發，星期三四五係創周低位的時間窗囗

經濟衰退, 過度制裁俄羅斯令形勢惡化, 第三季業績期見光死, 全球股市繼續捱沽

滙市形勢不利港股, 美元急升, 歐元英鎊人民幣港匯反艇, 股市點會好, 已經跌到有災味，從未見過國指連續9日跑輸恆指，弱得不尋常

阿爺牛回頭, 見頂回落獲利沽壓大增, 美國7月尾再加息前老外沽出A股食胡

${#iconb_245}$

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

13/7周三恆指收20798, 跌46點

今日港股低見20751/7133, 連日下跌仍未有見底跡象，以周及月波幅計, QQ及港股仍有下跌空間, 不過大鱷唔想太快到目的地，玩跌下彈下，刻意拖慢下跌步伐來養牛熊及派貨，結果20700樓下少量牛牛逃命，21500樓上熊熊大手加倉，今日冇新熊出世

磨咗成日, 低見20751大鱷吃了一口牛扒, 仍未落到20500-20700打交位，金融股一如所料大插拖低大市，幸好美國十年期債息連日收3%之下，科指力撐大市，港股收市升跌幅度不大，但多隻ETF沽空急增, 20400~20700重倉牛待屠，後市不妙

慣性走勢準到冇朋友，今日科指真係收升，連恆指國指倒跌都冇打瓜佢

國指已是連續8日跑輸恆指，創了今年的紀錄，弱得不尋常，洗倉味濃，要看恆指隊穿20500後淡友肯唔肯食胡，到時就考慮分注回補早前於高位沽出的股份

美元上企108 水平，人民幣走弱，資源商品價格大跌，

如果今日港股跟隨科指收升反而容易計數，淡友才可放心，因為本周3日港股都收跌，而港股好少全周日日跌連1日都唔升，淡友亦擔心被挾倉

明知港股今個月未見底，要向20000~20300進發，人人都趁彈上去沽貨，博低位回補， 21000高位一瞬即逝，避險沽盤湧現，有乜辦法唔倒跌丫

如果跟慣性走勢今日要收21000之上，但50天線攔路，國指弱，權重A股下跌，肥牛拉住港股後腿，好友上攻受阻，處於下風

趁今早反彈空軍大手加沽，後市仍凶險，今早升市成交縮，美國公布通脹數據前冇乜人敢入市，午後受內地股市拖累港股倒跌收場

～～～～～～～～～～～～～～～～～

唔少二三線股仍在洗倉中，出現恐慌性拋售，油價跌不利中海油，內房利淡消息頻傳拖累金融股，國指拉住恆指後腿，靠科企撐市，但QQ仍受制於$350，$330危危乎

內銀內險板塊被內房及村鎮銀行危機事件打擊，內地近期有爛尾樓盤業主集體決定停止償還貸款，不少爛尾樓盤業主仿效，受消息拖累，內地股市整體上升股份比例好高，但權重A股卻下跌

老外大舉沽出A股，但上證仍能倒升3點收市，所以港股好友一直咬住唔放，唔肯投降, 人民幣弱不利中資股, 巴菲特減持傳聞影響比亞迪，拖累一眾車股

20500-20700係好友關鍵防線, 能否收於其上非常重要, 港股今次係跟住上證碌落山，幾時落去203XX 就要問阿爺及大媽

我一直懷疑牛熊倉有很多大鱷部署的盤, 目的係帶風向

市場預料今晚公布的美國6月CPI數據通脹破頂

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

12/7 周二恆指收20844, 跌279點，肥牛命危

由29/6起恆指日線以陰陰陽的步伐尋底:

陰陰陽、陰陰陽、陰陰陰(12/7）

今日（12/7）輪到收陽，但卻收陰燭，代表淡友當道，因而打破慣性走勢

空軍大手加沽，後市仍凶險，周三美國公布通脹數據前冇乜人敢入市執平貨，擔心低處未見未算低，港股及QQ周波幅及月波幅仍未達標，預示後市會破底

港股連續兩日洗倉式下跌，內房利淡消息頻傳拖累金融股，國指拉住恆指後腿，QQ仍受制於$350, 人民幣弱不利中資股, 巴菲特減持傳聞影響比亞迪，拖累一眾車股

睇下迪迪仔跳崖就知大鱷有幾奸險，刻意隊穿大位來逼好友斬倉，令跌勢加劇，港股走勢差劣，已跌穿10. 20. 50. 100天線，後市不妙

港股於10/5低見19178後展開大升浪，6月尾高見22449, 科指功不可沒, 呢浸升浪科指每次連跌兩日就彈，只係做過一次三連跌，如今科指已連跌兩日，如果跟呢個升跌模式，只要空軍肯食胡，明日科指就會反彈

~~~~~~~~~~~~~~~~~~~~~~~

國指已是連續7日跑輸恆指，創了今年的紀錄，美元上企108 水平，人民幣走低，資源商品價格大跌，國指冇運行

內銀正處於低潮期，冇乜人吼，因為

～ 6月尾及7月初除息前買盤湧現，炒高咗，除息後欠缺吸引力

～內銀除息已結束，剛派完高息，好息之徒紛紛沽貨

～銀行乃百業之母，經濟疲弱壞賬多，銀行貸款審慎，內房出事拖累內銀

上星期已提醒大家港股已轉勢向下，好倉要減磅，少炒為妙

~~~~~~~~~~~~~~~~~~~~~~~

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

8/7 周五恆指收21725, 升82點，熊死牛命危

恆指大幅高開318點見21961已是全日高位, 大鱷秒殺約600張肥熊早餐就鬆人，大市一開即插, 走勢差劣, 不過上午十一時之前大鱷一直托住21700扮跌唔落，其實係震熊及臨危托沽於高位派貨, 亦俾時間21700樓下BB牛出世，引咗好友入局就隊落去開餐，午後低見21614，貼價小牛陣亡，向下仍有重倉牛待屠, 肥牛在20300-21300, 重倉牛在20900-21300

好淡通殺的一天，大鱷正趴街，做市做得太過份,夾硬高開再插，睇住來殺，賺陰質錢會有報應的

美國十年期債息及美元強勢反映資金流利淡中港股市，港滙英鎊歐元日元全面走弱，上證見頂回落，3350危危乎，會拉住港股落山，牛牛命危，港股今日死貓彈完續尋底，按照港股升跌陰陽燭韻律，下星期一恆指會收陰燭,

澳門疫情嚴峻，下周休市一個星期，不利博彩股及市場氣氛，車股美團內房持續捱沽, 內房債利淡消息頻傳, 不利金融股, 據報美國擬加大限制售晶片製造設備予中芯國際，科指累積大量沽空盤，後市不妙

~~~~~~~~~~~~~~~~~~~~~~~~~~

空軍加沽

美國大幅加息本來利好金融股，不過全球經濟衰退卻利淡金融股，所以早前推高見大鱷大媽紛紛沽貨

京東及藥明生物連日下跌見托沽手影

QQ每日以3億元回購股份，所以近日於$350穿梭，上周五收市U盤踢高收疑似回購，有分析師說仍未見南非大股東減持上板的通告，即係QQ仍有後患

呢幾個月一直都話QQ冇莊家，其實1/3高見$439後急挫，短短兩周就插穿$300, 皆因2月尾QQ的莊家已於$400樓上派晒貨鬆人了，所以6月初夾硬推上$406.8即插，可能係空軍挾上去加沽

阿里巴巴近日表現跑贏大市，未知是否與美資搬倉來港部署出貨有關

7月份美企業績期，一個月前要暫停回購股份

恆指不會連升3周魔咒收效，上周港股跟足慣性走勢收跌，下周是好淡大鱷爭奪主導權的關鍵周，如周線收升，後市利好，如周線收跌，後市不妙

~~~~~~~~~~~~~~~~~~~~~~~~~~

債息 vs 科指

6月下旬開始, 淡友積極沽空科指正向ETF, 頻頻上五大沽空榜, 而美國十年期債息於7月6日低見2.746%後止跌回升,7月7日重上3%, 中港股市隨即見頂回落, 其後幾日有濃濃的托沽味

~~~~~~~~~~~~~~~~~~~~~~

10/5 LUK SIR : 利息上升，對高增長型科技股不利，因為利率上升，味著未來的錢較現值下降，而高科技股的增長依賴高度借貸投資，利息上升即借貸成本上升，自然不利科技股的成長。

${#iconb_245}$

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

7/7 周四恆指收報21643, 升57點,

大鱷爆陰毒，恆指大插386點屠殺肥牛後急彈趙完鬆，恆指國指QQ同步以全日最高位收市, 又係好淡通殺的格局, 恆指做夠千點周波幅食完肥牛就部署上攻屠熊，然後等養肥牛牛再插過，明日21600附近牛牛出世

於跌浪中見貼價熊出世就係彈高之時, 熊熊已下移至21700水平, 不過根據慣性走勢今個星期係收跌周，希望淡友攔路, 大媽連日沽出美團和藥明生物，等港股死貓彈完就會繼續尋底

近來港股的走勢係不斷急跌急彈，彈上去跟住又又會再插過，股民做好做淡都要死，大鱷根本唔想畀股民賺錢，玩好淡通殺

美元升勢回順, 由高位回落, 一度下試106.7水平, 今日並非只係中港股市拗腰上, 亞太區股市亦做好, 明日星期五要畫周線, 好淡角力，自從6月尾見頂回落，港股一直由淡友主導，而好友則力托

國指連跌6日，連跌時間愈長，彈高機會愈大, 美期上升, 歐股開市初段亦走高, 嚇窒了空軍, 沽空明顯縮減, 尾市及收市U盤急升有可能係淡友回補空倉

~~~~~~~~~~~~~~~~~~~~~~~~~~~~~~~

今日轉節氣小暑，預示有大變，港股急跌急彈, 恆指低開高收單日轉向，上證同樣係先低後高，倒升收場, 要阿爺好, 港股才會好, 但上證已於5/7見頂3424, 淡友隨即奪回主導權，恆指連日插穿100天線及21500仍能收於其上, 代表好友仍未放手，看來下星期淡友要加強攻勢，月中係回調時間窗口

周線: 按照慣走勢今個星期係跌周, 收於21859之下

日線: 按照慣性走勢明日輪到收陰燭

5-6/7 美國十年期債息轉向和港股/科指/上證見頂回落吻合

5/7 高位22198/7794/4992

6/7 港股/科指/上證齊齊反艇

6/7 周三恆指收報21586, 跌266點

如果本周做逾千點周波幅就要見21200（22198高位-1000～1200＝21000-21200）, 上證大跌48點收3355, 不過只要上證守得住3350止跌回升,港股就會跟住上，恆指好淡分水嶺21400，明日轉節氣小暑，預示有大變

大戶及大媽趁高沽出藥明生物，炒家鎖定利潤紛紛食胡，睇下長汽及吉利就知道股份急升亦會急跌

七一回歸紀念、期指結算、基金半年結粉飾櫥窗、iPO招股，呢四個托市因素已消失，所以港股尋底

港股通常係月初做一個頂, 跟住碌落山, 該月下旬再上, 大鱷最中意玩完升浪玩跌浪, 過去幾日托住大市來加沽

QQ有臨危托沽味道，空軍推高來加沽, 大媽托住QQ，唔想於低位出貨，新經濟股沽空急增，明日有多隻內銀股除息，好息之徒會走貨

美元升勢持續，上企107水平，強到好得人驚

大量牛牛飛撲入市，21300樓下肥牛多到不得了，淡友一直等上證5/7見頂回落，就可借勢奪回主導權

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

5/7 周二恆指收報21853, 升22點，結束三連跌

今日大媽走貨，港股通罕有地出現資金淨流出，大媽大手沽出車股美團港交所… 市場傳出美國取消對中國商品徵收的部分關稅, 上證尾市收復失地，但港股卻繼續碌落山，並創即市低位，應升不升需防跌，如果本周做逾千點周波幅就要見21200（22198今日高位-1000～1200＝21000-21200），剛好是肥牛所在

QQ近來日日回購來抗衡南非大股東的沽盤，惟QQ仍未能重上$350水平，國指已連跌4日，明顯跑輸內地股市，港股死貓彈完續尋底，上證想企穩3400大位殊不容易, 上證已連升五周，所以3400樓上獲利盤湧現

港股雖然收市升跌幅度不大，不過今日走勢代表港股有暗湧，港股累積龐大沽空，壓力始終要釋放，昨日已提醒大家小心大插股陸續有來，多隻ipo招股已結束，大行唔使再托市

港股先高後低彈散皆因美元爆上106.56，商品市場滙市齊變天，中港股市危矣！淡友就係等上證見頂回落，今日上證創新高後倒跌收埸，老外沽出A股，形勢不妙

內地股市昨日先低後高，單日轉向，倒升收市

今日剛好相反，先高後低，單日轉向，例跌收場

上證破頂後反艇, 有何啟示？

~~~~~~~~~~~~~~~~~~~~~~~~~~~~~~~

美國10年期債息低見2.78厘，創逾1個月新低, 美匯指數觸及20年新高，黃金被大舉拋售, 英鎊兌美元一度跌穿1.19, 日圓再度跌至近24年新低, 歐元跌至近20年來最低, 擔憂全球經濟衰退，打擊油價表現，紐約期油失守100大位，歐洲天然氣價格急升，引發通脹加劇憂慮

今日大鱷踢高港股上去22000吃了一口小熊，牛熊分佈仍然是牛多熊少，有下殺誘因，以恆指閒閒地四五百點即市波幅來看，明日要下試21200-21500

目前我係假設本周收跌來操作，日前講過，按照慣性走勢今個星期係收跌周，係淡友反擊的時間窗口，所以今早反彈好倉應減磅, 博隊穿21400才開始補貨

由2月起恆指最長連升兩周，未見過連升三周，目前港股已連升兩周，無論最終港股本周是升或跌，沽壓大是肯定的，假如本周打破慣性走勢夾硬推升，就係連升三周，如此一來下星期沽壓會更大

每逢連升兩周跟住一周就會收跌，代表獲利沽壓加劇，每浸升浪玩一至兩個星期就收工

6月尾基金半年結粉飾櫥窗，撐完市埋數就紛紛走貨，近日唔少股份都反艇，早前熱炒的吉利由6月尾高位$19.2插至今日低位$16.62, 短短幾日跌幅驚人，股民走唔切紛紛坐艇, 早已提醒大家，有莊家進駐的股份有利有弊，炒上時急升，當莊家食胡鬆人，股價就會急挫

止賺了壽仔，因為明日除息利淡, 或會拖累金融板塊，藥明生物$85見阻力，持貨要睇路

~~~~~~~~~~~~~~~~~~~~~~~~~~~~~~~

今年第二季恆指的周波幅已起了變化

自從3月15日見底18235後，其後幾個月恆指的周波幅不斷收窄，似乎符合元帥所說3月見大底，其後幾個月係築底期

4月每周波幅700-1511點

5月每周波幅889-1318點

6月每周波幅531-1113點

～～～～～～～～～～～～～

今日港股創下今年最新的紀錄，就係恆指每月開局首兩天最細收市升跌幅度，靜極思動，係大龍鳳先兆, 不進則退，今日港股見頂回落，即係要插穿周一低位21458才能擴大周波幅

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

長假期前後例牌大龍鳳，22000穿梭, 好淡通殺

4/7 周一恆指收21830, 跌29點, 連跌3天

港股大插, 恆指V彈重上21800, 多條平均線失而復得，趁今晚美股休市，大鱷玩好淡通殺，今早食完肥牛部署明日上山屠熊，22000 BB熊今日出世，有上攻誘因，通常由高位累計回吐逾千點就會彈一彈(22449-21458＝991點），彈完再繼續尋底，目前牛熊分佈仍然係牛多熊少，拉住港股後腿

港股雖然一插即彈, 最終小幅下跌，不過並非表面看那麼強，下跌股份遠遠多過上升股份，托沽味濃，有無形之手護盤，由得股份插，但卻力守指數, 車股及商湯繼續捱沽，沽空高企, 估計配股及失驚無神大插股陸續有來，港股沽壓未除

日前講過，按照慣性走勢今個星期係收跌周，係淡友反擊的時間窗口，所以後市見反彈好倉應減磅

6月尾基金半年結粉飾櫥窗，撐完市埋數就紛紛走貨，近日唔少股份都反艇，早前熱炒的吉利由6月尾高位$19.2插穿$17仍未有見底跡象, 短短幾日跌幅驚人，股民走唔切紛紛坐艇, 早已提醒大家，有莊家進駐的股份有利有弊，炒上時急升，當莊家食胡鬆人，股價就會急挫

~~~~~~~~~~~~~~~~~~~~~~~~~~~

科指低開高收，單日轉向，科企大插見趁低吸納盤，亦有可能係淡友平空倉的買盤，不過科指今日倒反而不妙, 因為科指有個慣性走勢，係連跌兩日後反彈一日就會腳軟,

無形之手撐市可能係因為有大量ipo 正在招股，加上內地股市牛氣沖天，亦有助穩住港股，上證收3405(6月頂部3417），升18點，首度收於3400大位之上，老外上午於開市初段沽出A股，跟住就掃貨，內地股市低開高收，單日轉向，係港股急挫後V彈的主因，港股後市就要看上證能否企穩3400，如上證見頂回落，淡友就有藉口推低港股

今早一棍插401點隊穿21500屠牛約三千張，大鱷一食飽，重倉牛陣亡，就推番上21886, 大鱷操控港股上落如入無人之境，飛天遁地睇住來殺，散戶短炒仲有乜嘢意思呢？

主板股票表現
上升　　　　　　 627　　15%　　
下跌　　　　　　1115　　26%

據報拜登或最快在本周宣布取消部分對華關稅

據報有大戶將價值850億元阿里巴巴股份調倉來港

台股港股相關性高, 台股反彈乏力，連跌5個交易日, 下試14000點關口, 台積電持續下挫，電子股沽壓沉重，台股最終下跌126點，收14217，續創18個月新低, 外資已連續5個交易日錄得淨賣出記錄, 台股弱雞，正路港股也要捱沽

${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$

長假期前後例牌大龍鳳，熊死牛命危

30/6 周四恆指收21859, 跌137點, 連跌兩天

牛 9538 VS 3679 熊

日前已說6月波幅已炒完, 周初推上22400大鱷已散水，周二見頂回落，轉勢向下, 近日肥牛飛撲入市，會有乜嘢下場？

恆指由周二高位22449跌至今日低位21719，回吐約700點，市強由高位嘔600-800點就會反彈，市弱就要插逾千點才彈，即係要隊穿21500

港股後市要看阿爺有乜賀禮手信，如果冇驚喜就死得，不過內地股市牛氣沖天，港股拉車邊跟住上，跌極有個譜， 6月份恆指守得住20600, 冇再插穿20000就係全靠A股牛市做後盾，目前港股最大鑊係QQ的南非大股東可能日日都沽QQ，會拉住港股後腿

上證不斷衝上3400都企唔穩, 港股後市能走多遠就要看上證表現, 要阿爺好, 港股才會好, 普遍基金經理仍看好第三季, 認為會上破22500向23000進發

周二港股創新高後連跌兩天係見頂訊號，要回調整固, 消化沽壓才能破頂而上, 港股不會一沉不起, 當大鱷食飽肥牛就會反彈，因為大鱷唔鍾意炒單邊，喜歡好淡通殺

港股3月做了大底，其後幾個月係築底期，由於熊了一年多，累積非常多蟹貨，所以港股唔會一支箭飆出外太空放生蟹民，估計往後會不斷急升急跌，逼股民止蝕，趕走蟹貨，大鱷才會真正推升

~~~~~~~~~~~~~~~~~~~~~~~~~

牛熊分佈嚴重失衡，牛多熊少，超級肥牛在21400-21700，小熊今日剛出世，在22100附近，連日屠熊後，今日大鱷終於落山偷吃了一囗牛扒前菜，展開屠牛之旅

阿爺抵港賀七一回歸，下令港股不能掃興，只許小跌，不准大插，大媽護盤有功，連美期大插都頂得住，收市恆指只係跌百幾點, 阿爺萬歲！不過阿爺已離港，基金半年結亦做完，港股已連升兩周，21700樓下有肥牛，牛9538 VS 3679熊, 下星期肥牛點算呢？

市場預期降準以及七一送大禮，大媽罕有地大手掃入工建行，以及買QQ撐市，內地股市全線大幅高收，收復昨日所有失地，牛氣沖天，推動港股連升兩周，不過港股由2月起未做過連升3周咖！如能打破慣性走勢連升三周就不得了

港股連跌兩日，技術指標巳轉弱，下一個支持位10.20及100天線在21550-21700之間，正正是肥牛重倉區，60天線在21000附近, 20600~20800大位不容有失

昨日中港股市大跌皆因美元急升，重上105水平, 資金流不利新興市場股市，不過可能係大鱷托住來部署沽空，以及基金粉飾櫥窗埋半年結，所以個別股份能逆市上升, 近期熱炒的科企及車股沽空急增, 莊家派緊貨, 持貨要萬分小心

~~~~~~~~~~~~~~~~~~~~~~~~~~~~~~~

好淡大鱷戰況激烈，總的來說好友險勝

第二季收 21859 / 7666 / 4870

周線 21719 / 7629 / 4844

月線 21415 / 7416 /4483

季線 21996 / 7525 / 4557

三大指數周線月線收升, 連升兩周, 亦連升兩個月

季線國指科指收升, 但恆指季線收跌, 諗唔明點解好友唔踢埋上去收升

無論周線月線抑或季線, QQ都係收跌, 跑輸大市, 國指跑贏恆指皆因冇QQ陀衰家

要不是滬深大媽合力掃QQ撐市, 港股不會跌這麼少，整體沽壓非常沉重，唔少股份都跌到走樣，無形之手只係托住指數

今年第一季開局恆指高開112點

今年第二季開局恆指低開303點，壓低開，結果第二季埋單雖然收跌，但卻是收陽燭

如果照跟過去兩季，今年第三季開局(下周一4/7）恆指一係小幅高開，一係大幅低開，工行交行中銀香港青啤除淨，正路應低開，壓低開的話，可降低第三季收陽的難度，長假期前後例牌大龍鳳

4/7 首日ETF通登場

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

29/6 周三恆指收21996, 大跌422點

期指結算日淡友反擊，壓低結算價，港股大幅下挫，幸而好友力撐畫周線月線及季線, 市場憧憬回歸25週年中央送大禮, 基金粉飾櫥窗埋半年結，個別股份逆市上升, 亦見資金追入7月除息股, 更憧憬7月可破頂而上，所以在22000好淡爭持, 上300點有熊，落300點有牛, 牛9853 VS 3641熊

大鱷知道股民憧憬阿爺七一前托市(可能近來的升浪係大鱷扮阿爺的維穩盤推升) ，七一前股民紛紛買上，唔敢造淡，其實6月份大鱷已做夠數，周初推上22400已散水，周二見頂回落，轉勢向下, 近日肥牛飛撲入市，會有乜嘢下場？

今次升浪的莊家日紛紛走貨，拖累港股大跌，幸好莊家仍重倉港股，只係減磅，所以往後仍會再推上去派貨，不會一沉不起，7月有望上破6月高位

今日老外沽出A股拖低中港股市，明日互聯互通北向關閉，老外冇得沽A股，正路明日A股可乘機作出反彈, 明日港股表現要睇阿爺, 關鍵位21996

工行中行國壽等多隻成份股將於7月除息, 拖累期指呈低水，近日見買盤追入除息股

下周一美國獨立日假期休市，港股自由行，又係大龍鳳的日子

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

港股連升4天創月內新高，惟獲利沽壓大增

28/6 明日期結回調高危日，炒七一隨時反高潮

月尾6天已升了4天，未跌過，今日冇跌反而不妙，按照升跌日數的慣性走勢明日最危，淡友出手時辰到，落了重注壓低結算價的大戶明日係生死戰，不會坐以待斃，呢兩日唔少淡友斬倉止蝕，轉做好友買上，通常淡友投降大市就插得

明日建行除息後下跌機會大，留意內銀沽壓會否增加, 港股上證都係四連升，獲利沽壓會大增，明日中港股市危矣, 近日唔少股份爆升有粉飾櫥窗味道，估計基金傾向出貨埋半年結，減磅袋袋平安來鎖定利潤, 急升亦會急跌

後日互聯互通北向休市，要看老外明日會不會趕住沽A股止賺，過去三日港股沽空已升至$220-350億的高水平，空軍始終要玩大插來食胡，以往港股Rsi去到70關口，港股例跌，QQ昨日已見頂, 今日底頂下移，港股受制於QQ, 所以今日夾硬破頂亦只能略為升穿昨日高位，乏力再進

今日上午老外沽出A股，內地股市受壓下跌，午後老外掃入A股，內地股市止跌回升，港股跟住上，所以明日中港股市要睇住老外手影來操作，假如老外繼續沽A股就會拖低兩地股市

27/6港股成交高達$2000億，大成交衝頂冇好下場, 後市要留意當港股低開或國指跑輸恆指，就係淡友反擊訊號，港股沽空大幅增加，當中車股及科技加沽明顯, 預示港股會突然急挫

7月上旬港股尋底

網誌分類

已關注

最新網誌

最新回應

月曆