28~30/11 港股期結報復式反彈

基金月結 港股更上一層樓，繼續尋頂屠熊之旅

30/11 周三恆指收18597, 大升392點，連升兩天

10月恆指月波幅3567點，由於11月恆指月波幅3785點已超標， 所以大鱷留力唔推上19000， 踏入12月開新局 無咗掣肘，揭開月波幅新一頁，就可以殺上去 19000附近回補9月股災的下跌裂口

今日msci更換成份股 拖累QQ及阿里於收市u盤急回，收窄升幅，反而可擴大12月的向上空間， 一直認為 11-12月係港股9-10月股災的反轉版， 因為基金及好友大鱷股災輸到趴街，都想踢上去埋靚今年盤數， 所以要報復式反彈收復失地， 今日基金月結收近全日及全月高位

今日港股受msci帶動，以$2221億超大成交配合升勢，確認好友主導的地位 ，每月第一個星期港股收升機會通常較大，收升周會在周三四五創高位，即係明日會升穿今日高位18645

上證升穿3150阻力大位，亦利好港股，上證及恆指國指同步於今日創11月新高，同步尋頂，沽空愈多挾淡倉就愈狠， 不過好友短炒要留意，明日伸多一腳上去19000之上，港股就會嚴重超買， 獲利沽壓亦會加劇，恆指周波幅亦會超標

11月上旬港股急升後 碌落山，消化沽壓，趕走股災遺留的蟹貨，震牛引熊， 11月尾就爆升挾淡

期結日港股報復式反彈，大舉屠熊，結束兩連跌

29/11 周二恆指收18204, 大升906點

昨日恆指反艇，全城看淡港股，熊熊淡友蜂湧入市，今日大鱷就借阿爺加碼救內房以及 憧憬內地放寬防疫措施 玩挾淡

月尾港股急挫， 完成最後一插就轉勢向上，氣勢如虹, 高開高走, 一升到尾, 企錯邊的淡友急忙回補空倉, 進一步推高大市

早已說過月尾港股好少走單邊，大鱷多數玩好淡通殺，昨日恆指插水屠牛2352張，今日恆指爆升屠熊3604張，明日肥熊命危，牛少熊多利上攻，牛37％ ： 67％熊，肥熊在18400-18800, 要買定官才

11月中旬短炒好友食胡，恆指 回吐四成升幅，插穿17000後好友再度進場掃貨博破頂，今日就抽升挾淡

港股以收市U盤全日最高位收，按照慣性走勢呢種升勢通常會於翌日早段獲利沽壓會湧現，只要好友食得晒呢批沽盤, 港股就可更上層樓, 震完才破頂，向上阻力18400-18600

其實大市及唔少個股都升抵100天線阻力大位，要消化沽壓方能再爆上，今日空軍出動，沽空高達$318億

月中港股五連跌 低見17287後反彈，由於未見底所以無法破頂，其後再插低見16833確認見底，周三四五係創周高位的時間窗口, 即係明日會升穿今日高位18204, 按照慣性走勢試完底就會破頂，11月老早已定調是收升月，全月呈高低高格局， 好淡通殺

恆指由16/11 高位18414回調至昨日低位16833， 累計下跌1580點，回吐了11月上旬升幅3817點約四成， 回吐幅度已足夠大鱷轉身，月中於高位走貨的 大鱷及好友見隊穿17000紛紛趁低吸納，炒第二轉尋頂

匯控售加拿大銀行業務, 料除稅前利潤約57億美元， 擬派股息，利好匯控

內地股市突破阻力位，上證高開高走，一升到尾，近全日最高位3149收, 急升71點， 上證下一個關鍵阻力位是3150， 如能上破並站穩，港股有運行

明日 Msci 更換成份股，成交會急增，亦係黑期及基金月結, 係好淡大鱷角力的大日子， 今日一升，已確認好友已奪回主導權，明晚 聯儲局 廢老鮑爺講話， 或會對科企構成壓力

港股連跌兩天, 20及50天線失而復得, 部署明日結算價

28/11 周一恆指收17298, 跌275點

秒殺肥牛即彈，牛死熊命危

上星期唔少好友入貨開好倉買牛博人行周末降準，大鱷正趴街， 睇住來殺，今日玩大插殺牛牛好倉，逼好友止蝕斬倉，後然才拉港股上山

內地市民示威暴亂反抗疫措施，大鱷就借勢玩偷襲，遠牛死得冤枉，今日恆指一度大插740點低見16833, 屠牛逾2300張, 上周沽空科企的淡友有胡食

港股一插即彈，震牛引熊，大鱷食飽肥牛就登高, 重上20及50天線, 明日期結推升已無懸念，今日下跌裂口17364-17412勢必回補

10天線阻力在17700附近, 21/11下跌裂口17746-17910有待回補，今日17400小熊剛出世, 要買定官才， 牛熊分布係牛少熊多利上攻，牛36％ ： 64％熊

今早離岸人民幣一度急挫超過500點子，人仔跌，老外大手沽出A股, 惟尾市老外開始入貨, 推動A股拗腰向上, 上證低見3034後重上3050, 收3078, 僅跌23點, 後市要再挑戰3100-3150

老外想玩顏色革命阿爺反而要救市，今日繼續出招救內房，恢復涉房上市公司併購重組, 恢復H股內房再融資, 美期急挫後跌幅略為收窄，中港股市午後亦跟隨走高， 港股又死唔去，明日輪到熊仔有難

美元上企106.5之上，人民幣兌美元在岸價收報7.1999，跌384點子，創逾半個月低

~~~~~~~~~~~~~~~~

明日期指結算，好友力守16800, 推番上17000部署結算位, 大媽一直以來密密沽美團, 但上周五美團公布業績後今日大媽就大手掃美團, 大媽係撐市功臣， 大媽掃貨係利好信號

深大媽走QQ但滬大媽卻買入QQ，QQ於20及50天線擦身而過，幸保不失，QQ見底，恆指20及50天線亦失而復得

恆指由高位18414回調至今日低位16833，累計跌幅近1600點， 淡友大鱷 食飽飽，已夠水位轉身， 投資者見跌穿17000亦趁低吸納

本周影響市況有 期指結算、鮑威爾講話， msci調動 以及恆指季檢成份股改變動

港股今日收跌但收陽燭，死過翻生可能係因為好友想推高明日結算位，好友亦想後日30/11畫月線守住17050盡量推高, 因為11月收陽收升 已無懸念, 好友想畫靚港股條月線

睇美期反艇美股今晚不炒，大鱷今日玩一插即彈, 推番恆指上17200之上，收窄跌幅可能係預留回調水位，不過16800樓下上升裂口仍是後患， 只要一直唔回補呢個裂口，代表港股仍處反覆上升勢頭