古星輝 - 「小蜜蜂」返工搞邊科？｜乜都5G
2022/12/23 03:12:37 網誌分類: 經濟
咁當然係冇搞錯啦，呢份係我哋團隊精心策劃嘅職位，既可以WFH（Work from Hill）、又可以同野豬等野生動物共處，最好識得飛天遁地，仲可以奉旨瘋狂玩電話，玩得愈多愈好，睇片、玩IG、打video call、開live全部都任玩任試，試到邊度玩得唔好即刻報告。
晉升蜂王蜂后
其實佢哋做嘅係四圍測試網絡，睇吓用戶最常用嘅apps表現如何，邊度用得冇咁好，然後再通知工程部，等佢哋做更深入嘅跟進同改善，將網絡做到盡善盡美。由於要捐窿捐罅，好似蜜蜂咁勤力，所以我哋將呢條團隊叫做「小蜜蜂」，等佢哋幫手將網絡做得更好，為用戶喺繁忙嘅生活中送上一點甜。呢份工仲有良好嘅晉升機會，可以做蜂王或者蜂后，帶住團隊到山旮旯地方盡情上網打機開live！
事實上，每個網絡都有盲點，而我哋嘅工作係要搵出盲點，再將佢完善及優化，從而提升用戶體驗，呢項咁具挑戰性嘅工作，最適合由機不離手嘅人去做。「小蜜蜂」咁盞鬼嘅銜頭，係出自我哋團隊嘅精心構思。
睇現時坊間反應，呢個咁創新嘅工種，對一班Z世代同埋slasher嚟講，的確幾吸引，好適合佢哋鍾意試新嘢，唔使成日困住喺辦公室嘅性格，話唔埋會成為新一代嘅dream work。
最後，祝大家聖誕快樂，5G「蜜蜜」用。
「小蜜蜂」傳送門：https︰//bit.ly/5Ghoneybee
和記電訊香港行政總裁
古星輝
■電訊商推出新職位，聘請員工四圍測試網絡找出盲點，以完善及優化5G網絡，提升用戶體驗。
回應 (0)
我要發表