KellyChu - 星島85周年巡迴展觀眾反應熱烈流連忘返｜Executive日記

2023/02/24 03:14:43 網誌分類: 生活

24 Feb

「星島85周年『與香港共成長』巡迴主題展覽（九龍區）」已經舉辦咗三日，反應熱烈，唔少學生、上班族同長者專程到場了解香港歷史，睇得津津有味。而星期六起舉辦嘅系列「傳統手藝工作坊」，亦有好多學生同家長早早報名，Kelly就知道仲有名額，有興趣嘅朋友抓緊機會！

好多學生為咗學習香港歷史，呢幾日特登放學之後去去奧海城2期商場睇展覽；亦有上班一族喺中午食飯時間抽空到場；Kelly仲發現，原來唔少長者對《星島日報》報章雜誌原稿、相片等好有興趣，流連忘返，睇得津津有味。

今個星期六起，大會將舉辦多個「傳統手藝工作坊」，等市民學習製作模板字Tote Bag、冷光線霓虹燈牌、小巴牌鎖匙扣，同迷你喜慶花牌等傳統手藝，期望將逐漸式微嘅本土手藝繼續傳承落去。由於活動有趣好玩又有意義，反應好熱烈，好多學生同家長早早報名參加！

小妹就提提大家，星期六會有模板字製作工作坊，以及冷光線體驗工作坊，分別係下午2時半至4時，同下午4時半至6時半舉行，而家仲有名額，有興趣朋友快啲Scan QRCode參加！
Kelly Chu