KellyChu - 「家超伯伯」上廣州　與港澳子弟窩心互動｜Executive日記

2023/02/28 03:14:52 網誌分類: 生活

28 Feb

特首李家超早前率團訪問深圳及廣州，返港之後佢就喺Facebook發文話，多謝廣州市越秀區朝天小學「港澳子弟班」嘅香港小朋友來信祝「家超伯伯」訪問廣州順利，並邀請佢到學校參觀。原來呢班小朋友之後就見到特首嘅回應帖文，於是全班拍片，好開心咁多謝「家超伯伯」嘅「回信」，並祝佢身體健康。

呢班小朋友拍咗兩段影片，首段片開頭影住一個熒幕，投影特首多謝小朋友嘅帖文，之後就有一把女聲用普通話問：「我們收到來信囉，怎麼說？」一班坐喺教室活潑嘅小朋友隨即就答：「謝謝家超伯伯，祝你身體健康，yeah！」而喺一段影片，同一把女聲就用粵語問：「收到信開唔開心啊？」同一班小朋友即刻答：「開心！多謝家超伯伯，祝你身體健康，yeah！」
Kelly Chu