KellyChu - 《馬時亨名人堂》2.0 說香港情‧說好香港故事｜Executive日記
2023/04/14 03:17:47
網誌分類:
生活
林子祥演繹主題曲
新節目主題曲邀請到「阿Lam」林子祥，用粵語重新演繹關正傑原唱嘅《東方之珠》，聽到有阿Lam支持，Kelly我好期待！節目共有8集，打頭陣係「歌神」張學友同「金曲之父」張文新，佢哋會大談香港音樂同情懷。馬時亨話，具體講乜，就先賣個關子，大家密切留意。第2集就請到黎耀祥、薛家燕講香港交通。家燕姐話上世紀60年代，過海要坐「嘩啦嘩啦」水上的士，每程3元，當時嚟講真係好貴，唔講可能好多人唔知。
第3集有梁家輝講吓電影。馬時亨話，雖然第一次見面，不過梁家輝好隨和，講咗好多從影經歷。第4集就有張智霖同鍾鎮濤講家庭同事業；第5集陳山聰、鄧達智會講時裝。第6集譚詠麟、區瑞強講音樂；第7集吳錫輝、曾智華講飲茶；第8集曾志偉、陶大宇講火鍋。
馬時亨話，節目而家已經錄完，錄嗰陣政府仲未提出要「說好香港故事」，不過出嚟嘅效果，就係嘉賓講咗好多年輕一輩唔知嘅香港往事，希望呢個節目除咗令人緬懷香港過去嘅好，仲可以令港人、內地甚至全世界都更明白同鍾意香港。
Kelly Chu
■馬時亨喺第8集請來曾志偉同陶大宇大談火鍋。
回應
(0)
我要發表