KellyChu - 星島新聞集團年度盛事 名人雲集 行政長官李家超親臨主禮 5名傑出領袖今矚目誕生｜Executive日記
2023/06/21 03:22:09
網誌分類:
生活
不經不覺，傑出領袖選舉已經踏入第29屆，適逢今年係星島85周年紀念的大日子，各界社會賢達、政商翹楚，以及城中名人均應邀出席頒獎典禮，共同見證新一屆傑出領袖的誕生；而香港特別行政區行政長官李家超蒞臨主禮及擔任頒獎嘉賓；此外，律政司司長林定國及一眾政府局長高官，另外還有嘉華國際集團有限公司執行董事呂耀華伉儷，更驚喜嘅係國際巨星甄子丹將會擔任頒獎嘉賓O添呀，相信到時必定星光熠熠，耀目全場。Kelly仲知道今晚《星島頭條》網及《星島頭條》APP都會直擊現場實況及即時更新，大家記住留意喇！
星島嘅支持者應該都知道，1994創立嘅「傑出領袖選舉」一直以來都希望表揚過去一年貢獻宏大嘅優秀領袖，表彰佢哋對推動香港發展，聯繫內地以至全球嘅傑出成就，亦鼓勵年輕人建立自強不息、堅毅拼搏嘅精神，攜手推動香港及內地社會發展。今年大會亦一如既往選出「工商／金融」、「社區／公共事務／環境保育」、「教育／專業／科技及創新」、「體育／文化／演藝」，以及「青年企業家」等5個組別嘅精英。Kelly都收到風，評審對各組別嘅得獎者高度讚賞，更希望各得獎者能啟迪年輕後進，攜手為逐步復常嘅新香港領航！
要喺眾多候選人中選出最優秀嘅傑出領袖，當然唔少得一班專業評審團啦！今年繼續由資深大律師袁國強擔任「2022年度傑出領袖選舉」評審委員會主席，連同陳永棋、陳南祿、梁君彥、區璟智、梁卓偉、李國章及李國棟擔任評審委員，佢哋以專業嚴謹嘅準則，最終甄選出新一屆嘅傑出領袖，真係勞苦功高呀！
如果想知多啲傑出領袖嘅成功之道，就要留意聽日隨《星島日報》附送嘅「2022年傑出領袖選舉」特刊喇！Kelly仲知道6月23日《星島日報》嘅〈每日雜誌〉專欄有圖文並茂嘅得獎者專訪，千祈咪錯過呀！
Kelly Chu
■評審委員開會，選出新一屆傑出領袖。
■評審委員會成員，包括（左起）李國棟醫生、陳永棋、李國章教授、梁君彥、袁國強、區璟智、陳南祿及梁卓偉博士。
回應
(0)
我要發表