古星輝 - 18區「蜜蜜」做靚網｜乜都5G
2023/06/23 03:22:59 網誌分類: 經濟
早喺推出「絕世好工」前，團隊已經有推出2.0嘅想法，既然1.0係公開招募，2.0當然要邀請自己人參與，仲要做到全港18區每區都有客戶參與，一齊搵出網絡盲點，再交由我哋工程團隊逐一將盲點變為亮點。擬定方向後，團隊立即行動。我哋先向一批合資格特選客戶發出招募短訊，今次收到嘅回覆率相當理想，好短時間就達到事前所訂目標，證明我哋客戶好有心，想齊齊為做靚個網出力。
齊齊掃盲 讓網絡做得更好
今次任務都係以掃盲出發，小蜜蜂喺所屬地區瘋狂玩電話，務求查找網絡不足之處。既然要客戶幫手，我哋當然會送上小小心意，喺指定限期搵到一定盲點數目嘅客戶會有特別獎賞，而最多人報名嘅地區會成為「最『蜂擁』報名地區」，區內客戶齊齊有獎！
小蜜蜂2.0吸引城中KOL關注，其中有一句講得相當好：「當你比別人更努力去找出自己的不足，你會百分之一百比別人進化得更快」，呢一個正正係當初構思小蜜蜂時嘅中心思想，網絡屬於營辦商嘅重要資產，既然投入龐大資源建網，當然要做到最好最靚，更加要盡力搵出盲點，透過改善而獲得進步，正所謂「沒有最好，只有更好」。
忽發奇想，如果各區小蜜蜂代表齊齊以短片記錄自己掃盲過程，再放上社交媒體，呢件事將會幾好玩。希望各位小蜜蜂keep住蜜蜜做，將網絡接收做到滴水不漏。
和記電訊香港執行董事及行政總裁
古星輝
■「小蜜蜂2.0」網上短片記錄長沙灣代表的網絡掃盲過程。（網址：https︰//youtu.be/Z7XZkQ6FrPY）
回應 (0)
我要發表