KellyChu - 人來人往一啲都唔驚羊群粉嶺花槽覓食成焦點｜Executive日記

2023/07/03 03:22:58 網誌分類: 生活

03 Jul

新界除咗有牛，原來羊都唔少！近日就有一群羊喺粉嶺民居附近嘅花槽覓食，有老有嫩，一啲都唔驚人。有熟行情嘅街坊就透露，原來佢哋有人養㗎，而且仲係粉嶺老居民。唔少網民見到都好驚訝，有人仲話難得有咁嘅奇景，值得到場「觀羊」一下。

網上近日流傳一段片段，可見一群羊喺粉嶺一個花槽邊覓食，黑羊居多，有老有嫩，附近就係民居同馬路。當時人來人往、車水馬龍，不過羊群就淡定自若，一啲都唔驚。唔少網民見到都好驚訝，有人問：「邊度嚟？」、「做咩咁多隻羊仔」；之後就有熟知行情嘅粉嶺老街坊出嚟解答：「粉嶺，佢哋有人養，喺依度好耐，四周圍起樓搞到佢哋冇得食先走咗出嚟」、「粉嶺聯和墟後面梧桐河啲羊，唔知係咪因為嗰邊起緊樓發展緊，搞到啲羊要出嚟搵食」。
網民：好想去觀羊呀

由於喺香港市區見到羊，真係好難得，有網民就驚歎：「係咪發夢呀，見到咁多羊咩咩」；亦有人大讚，呢個不失係一個奇景，「好想去觀羊呀。」
Kelly Chu