KellyChu - 香港故宮博物館開幕一年 接待近130萬名訪客 北京故宮51件文物登場｜Executive日記
2023/07/04 03:23:03
網誌分類:
生活
香港故宮開館一年，共接待近130萬名訪客，昨日亦向首100位入場人士，贈送博物館嘅文創精品。館長吳志華又宣佈，即日起展出第5批、共51件從北京故宮借出嘅文物，大部份係首次在港展出，展期3個月，直至9月下旬。
新展出嘅兩件國家一級文物中，包括明末竹刻家濮澄製作嘅「松樹紋壺」，主體用松幹製作，壺巴則由松枝盤曲而成，壺咀係松樹上嘅斷梗。另一件係清初封錫爵製作嘅「白菜式筆筒」，呢件竹雕工藝品呈現四重菜葉，脈絡清晰，筆筒嘅底部較窄，並向上漸趨寬廣，可顧及筆筒嘅實用功能。另一件值得關注嘅展品，係描繪光緒帝大婚嘅「交泰殿陳設冊寶圖」，同目前已知唯一存世嘅「皇后之寶」，亦即冊封皇后嗰陣用嘅金印。
另外，由於開支龐大，香港故宮日後可能上調門票價格；而本月起，亦會停止周三免費開放嘅安排。不過官方話，會繼續派免費門票畀有需要嘅市民！
Kelly Chu
■光緒帝冊封皇后時使用的金印。
■西九文化區行政總裁馮程淑儀(右二)、香港故宮文化博物館館長吳志華(右一)。
回應
(0)
我要發表