KellyChu - 新入職車長月薪可達2.7萬 九巴月輪街車廠搞即場大招聘｜Executive日記
2023/07/10 03:23:27
網誌分類:
生活
九巴昨日喺月輪街車廠設置招聘站同諮詢處，現場招聘車長、維修人員、車務督察、助理站長、站務管理員等前線職位，唔少市民到場報名申請，其中有應徵車長嘅市民，仲獲即場安排駕駛測試。九巴上月底宣佈全體員工本年度加薪4.2%，以新入職車長每日工作10小時為例，加上年終雙糧，平均每月收入達27300元！
「熱狗」復古巴現身
九巴亦展出80、90年代多款深入民心嘅復古巴士車型，包括丹尼士巨龍、富豪奧林比安等；現場亦有比亞迪等最新純電動雙層巴士亮相，好多巴士迷爭相打卡，其中唔少仲一家大細出動。現場仲設有遊戲站，
市民除咗可以透過VR同九巴環保車隊合照，仲可以領取卡通巴士扇子等紀念物品。另外，3至11歲小朋友昨日可憑小童八達通，無限次免費乘搭九巴及龍運營運嘅450條路線。
Kelly Chu
■體驗日展出「熱狗」等巴士，吸引大批巴士迷到場打卡。
■九巴月輪街車廠舉行招募體驗日，即場招聘前線職位。
回應
(0)
我要發表