古星輝 - 內地漫遊接通全網｜乜都5G
2023/07/21 03:24:53 網誌分類: 經濟
首先，喺內地漫遊當然會追求同喺香港一樣嘅使用體驗，呢方面大家都好清楚；其次最重要係方便就手，唔想自己喺旅途中有所不便。
我哋同事好了解各位用戶需要，知道大家去到內地人生路不熟，都會擔心電話接收問題，所以我哋同內地漫遊夥伴研究，率先推出內地漫遊全網。用戶只要開通漫遊服務，於內地即可連接至3大電訊商中國移動（941）、中國電信（728）及中國聯通（762）。
隨意切換3大電訊網絡
以前在內地漫遊，通常只有2個網絡畀你揀，o依家我哋做到3個網絡隨時轉換，無論信號接收或者用戶體驗，都梗係比2個好！例如當某個網絡商喺某個地方接收唔好，你可以即時揀選信號最強嘅網絡，立即轉網，呢個做法令內地漫遊覆蓋更完善。熟識內地嘅讀者可能會問，點解會冇中國廣電呢？其實係因為中國廣電現時未有提供任何入境漫遊服務。
筆者見過唔少旅客在過關後換電話卡相當「論盡」，甚至不小心丟失原有電話卡。內地漫遊全網唔使更換SIM卡，過關後即刻接通全國3大電訊商，漫遊無縫連接，同喺香港一樣咁方便，加上收費方面同買張儲值卡差不多，其中一款「3日通行證」更包括內地及澳門任用漫遊數據及話音服務，真正做到全無後顧之憂。大家下次到內地公幹玩樂，不妨考慮一下內地漫遊全網。
和記電訊香港行政總裁
古星輝
■3用戶只要開通漫遊服務，於內地即可連接至3大電訊商。
回應 (0)
我要發表