梁冠聰 - 床單兵團十「拿」九穩｜熱now球壇

西甲周中馬不停蹄加開快車，星期五凌晨奧沙辛拿主場迎戰馬德里體育會，雙方近4次交手均由馬體會淨勝。

奧沙辛拿開季表現浮沉，早前在歐協聯附加賽敗予布魯日，未能晉身小組賽，近7場比賽只得1勝。球隊今夏有文奴山齊士、阿利丹尼靴蘭迪斯、傑基等人離隊，並從貝迪斯收購魯爾和從維拉利爾借入莫希卡補強。教練阿拉沙迪慣用433陣式，但預料今場踢法會較為保守，或改用雙防中陣式，加上有安拿爾加西亞、蒙卡約拿和巴辛納因傷缺陣，難免受壓。

床單兵團早前雖然作客大敗華倫西亞，但上場在馬德里打吡戰勝出士氣大增，開季6場各項賽事只嘗1敗。今季新加盟的艾斯比列古達提升防守穩健度，馬高斯路蘭迪和基斯文照耀中前場，縱使現時陣中有巴里奧斯、迪保羅、利馬等人受傷，但整體質素和狀態在奧沙辛拿之上，加上對上10次對碰馬體會全勝兼只失2球，今仗無疑睇高一線。

（Now632台及Now E周五凌晨3:30直播）

now Sports評述員

梁冠聰