11月港股開新局好友先搶攻

15/11 周三港股爆升，挑戰阻力大位，港股通顯示大媽踢高港股後大舉沽貨食胡，今日港股成交高達$1349億，大成交衝頂冇好下場, 今日QQ飛天，可能係挾淡迫淡友平空倉，今晚QQ公布業績, 市場擔心業績後大股東南非佬會走貨

13-14/11 周一關鍵日港股急升，周二僅小幅回吐，下試10及20天線獲支持，代表港股由好友主導大市, 尋底市轉尋頂市

11月開局前已指出10月恆指做細月波幅，11月就會做大月波幅，由於中美股市冇破底，所以恆指亦跟隨冇創新低，恆指周波幅及月波幅仍未達標, 大市仍有上升空間

按照慣性走勢, 港股試完底就會再衝頂, 向18037/18290進發，早前已指出月初美股有天量資金入市掃貨，美股果然牛氣衝天，撐住港股

15/11 QQ公布業績，17/11下調港股印花稅，美股尋頂，加上阿爺不斷推出撐股市/經濟/樓市政策，皆利好市場氣氛

10/11 周五恆指收17203, 大跌308點

中美元首下周三15/11會晤，市場憧憬有利好消息例如降準，加上美團阿里京東QQ等多家科企下星期公佈業績存在變數，本周淡友發力推低港股平空倉，港股四連跌，大媽趁回吐吸納港股ETF

大鱷大媽將恆指操控在17000-18000主區間內炒波幅，過去4日恆指都係低開低收，後市如見高開，就係好友反擊信號，下周一13/11是關鍵日

港股本周4跌1升，按照慣性走勢，本周港股跌市日數超標，下星期升市日數會增加， 大鱷仍然玩緊好淡通殺，落山殺完好友又會再上攻屠熊，美元轉弱及美國十年期債息走低利好股市

好友撤退，港股失守50天線

7/11 周二恆指收17670, 大跌296點

早前講過睇沽空就知空軍動向，今日港股沽空 突然急增，勁多呀！明日8/11轉節氣立冬，對股市有何影響呢？Al 顯示昨日港股出現利淡訊號，今日即插，今日老外走A股, 大媽卻大手掃入港股 ETF

港股失守50天線，尋頂市轉尋底市，向10及20天線進發，大鱷殺完淡友殺好友, 不過17400是今次升浪的成交密集區, 技術大位17200, 成為好友的防線, 以及淡友攻擊位

按照慣例性走勢，只要守得住17000, 11月下旬就會破頂，好淡關鍵日10/11, 當天畫周線

6/11 周一恆指收17966, 大升302點，上企50天線

連日急升後港股呈超買，獲利盤及蟹貨出籠，恆指18000得而復失，恆指由10月低位16879反彈至今日高位18037, 累計上升1158點, 短線好友炒家開始沽貨食胡

科指巨企ATM及友邦雖然急升，但其實冇莊家進駐，只係靠熱錢遊資推升，美股上周飛天亦係因為有天量資金突然大手掃貨

美元回落至105附近，人民幣大升377點子收報7.2756，老外大手掃入A股, 觸發中港股市急升，不過美國國債孳息率回升，不利股市

今日港股成交高達$1152億，大成交衝頂冇好下場，而且港股已升抵50天線魔咒位，沽壓非輕, 港股 Al 出現利淡訊號, 要回調整固方能再上衝

中芯、京東、QQ、阿里、網易、百度、小米等多家科企即將陸續公布業績，持貨要留神

3/11 周五恆指收17664, 大升433點, 站上20天線

早前中港股市碌落山係因為資金流走，不過聯儲局議息後資金流有變，有資金流入中港股市, 恒指終突破17000~17500點的區間橫行格局, 港股向上突破，收復20天線，皆因 美元及美國十年期債息雙雙回落, 人民幣反彈

恆指收17664, Al 顯示17400水平有大成交掃貨，只要守得住，代表呢班好友大鱷仍主導大市，如跌穿，代表好友已撤退

估計看淡及貨少的基金經理今日見大媽大手掃入QQ推高港股，紛紛追貨，加上淡友走鬼回補空倉，進一步推高大市, 滬深股通顯示今日老外大手掃入A股, 係兩地股市急升的原因之一

19/10下跌裂口 17540-17625已回補

13/10 下跌裂口 18013-18175有待回補