11月下旬港股攻頂再受阻

30/11 月結恆指收17042, 升49點

好友撤退，港股潛行凶間，月尾24-29/11每日恆指都係開市位已是全日高位，開市後就碌落山，超樣衰, 基金洗倉好友散水格，後市如插穿大位，好友斬倉止蝕走鬼盤出籠，港股就會急挫

港股繼續尋底，向去年11月大型上升裂口16138-16829進發，牛多熊少拉住港股落山

恆指於11月份不斷在17500穿梭, 見沽空經常爆燈，當時已說大鱷托沽派貨, 當淡友部署完成, 11月中跌勢就加劇, 12月勢必破底創新低擴大月及年波幅

27-28/11 按照恆指慣性走勢，通常每個月20號之後就會走出方向，今次係底部下移碌落山，而11月下旬跌市日數多，代表目前港股由淡友主導

回顧15/11恆指單日爆升682點高見18174挾死淡友, 肥熊陣亡, 引牛入局, 隨即見頂回落, 翌日就展開跌浪, 落到17500就扮跌唔落來震熊引牛, 到結算周淡友就加強攻勢殺跌, 向前底16979/16879進發, QQ莊家沽貨撤退, 資金流出中港股市

過去一個月有唔少分析師及財經界高手都話恆指16879已見底，信者失救，引咗大量牛牛聚集在16500-17500, 成為大鱷的殺戮對象，以消息面以及內地股市的弱勢，淡友玩破底擴大月及年波幅冇乜難度

QQ大股東南非傳媒集團 Naspers 旗下 Prosus 在10月至11月24日期間出售逾2620萬股QQ，套現10億美元(約78億港元)

MSCI指數季度調整30/11星期四收市後生效, 1/12 恒指季檢, 當天港股成交會急增

港股沽空爆燈，繼續尋底屠牛之旅

24/11 周五恆指收17559, 大跌351點

淡友出手，港股失守多條平均線，步入月尾6天的結算周, 會不會擾亂周一例升的慣性走勢呢? 恆指已經升咗兩周喇!下星期跌得未? 市場上有太多好友，牛牛多到不得了，你話大鱷會點做呢？

好友不要太樂觀,今日唔似刻意壓低收, 跌得似層層, 淡友有心有力,連QQ好友莊家都減磅食胡, 怪不得港股反艇

近來譚蛇一直看好唱到上天, 明明見到不斷沽空爆燈及出現多個利淡信號都話唔使擔心, 係典型好友的心態, 忽視利淡信號

23/11 周四恆指收17910, 升176點

大媽繼續趁反彈大舉沽貨食胡， 牛多熊少拉住港股後腿, 連續兩日港股沽空都爆燈, 空軍推高大市來加沽, 恆指連續兩日底部下移, 沽壓增加, 淡友出手了, 雖然阿爺不斷推出救市措施, 但上證仍持續受制於3100, 恆指亦無力上企18000

22/11 周三恆指收17734, 升0.71點

外電報導有資格獲得一系列融資支持的50家內房商白名單, 阿爺積極出招救內房，好友就有藉口繼續咬住17500唔放

大媽趁回吐大手掃入港股ETF博反彈，貼價BB熊17800～18000今日出世, 本周恆指日日收市U盤都係踢高，QQ莊家再度掃貨

21/11 周二恆指收17733, 跌44點

大鱷操控大市真係神級，港股雖然收陰燭，不過只係嘔晒升幅，冇跌入肉，大鱷大媽趁殺上18000於高位派貨，回吐但仍然咬住17500唔放，牛在17700之下, 17800 BB 熊將於周三 22/11出世

以往港股衝高受阻而回，要消化沽壓、大插屠牛以及養肥熊熊才會再上攻, 挑戰18000, 恆指升抵阻力大位18000空軍加沽，大媽積極走貨拉住港股後腿, 近來大媽頻頻短炒, 高沽低吸玩快閃

港股收市雖然跌幅不大，但卻是先升後倒跌，單日轉向，近全日低位收，唔少股份跌幅多過大市, 托沽味濃，大鱷托住指數來消化沽壓

美股牛氣沖天，撐起全球股市超買, 23/11周四美國感恩節休市一天, 24/11半日市

20/11 周一恆指收17778, 大升324點

港股高開高收，重上多條平均線全靠有莊家再度入市掃QQ, 按照慣性走勢, 港股試完底就會再衝頂, 挑戰阻力18000, 不過大媽大舉沽出QQ及指數ETF會拉住港股後腿

美元跌至兩個月低位, 人民幣強勢飛天, 大升718點, 收7.1747的3個半月高位, 成為港股上升動力, 今日係港股時間週期的關鍵日, 今早開市初段老外走A股, 但其後大舉掃入A股, 大媽大部份時間都係掟貨, 早前低吸如今高沽賺到笑

本港時間周三22/11凌晨3點，美聯儲將公佈11月會議紀要

美銀上調小米目標價13%至17港元 重申「中性」評級
高盛上調小米目標價15% 至18.7港元維持「買入」評級
花旗上調小米目標價15%至19.6港元維持「買入」評級
中信里昂上調小米目標價4%至19.7元 評級升至「買入」
大和上調小米目標價19%至18.5港元 維持「跑贏大市」評級

16-17/11 港股回調整固, 消化沽壓

果然係大成交衝頂冇好下場 ，港股連續兩日急跌，淡友推低大市來平空倉，空軍肯食胡反而有利後市

恆指下試成交密集區17400水平，雖則失守多條平均線，不過港股本周仍能收陽收升，恆指守住大位17400, 反映好友仍未放手，近來港股周一例升

資金流利好股市，美元及美國十年期債息齊齊回落，人民幣及港匯走強，資金流入, 大媽趁回吐吸納港股，但過去幾日買入QQ的莊家卻走貨，主要靠炒家操控QQ上落

恆指由高位18174跌至今日低位17413， 累計回吐761點， 按照慣性走勢，市強由高位回吐600~800點就會反彈

～～～～～～

港股雖然被阿里拖累收市大跌，但好友利用科指撐住大市，力守關鍵大位17400，科指跑贏大市，科指連跌兩日，不過回顧重陽節之後科指最長只係連跌兩天，預示下周一科指會反彈

港股於11月上旬急升急跌, 好淡通殺, 於17500穿梭, 不過按照慣性走勢, 通常20號之後會走出方向

恆指季檢變動於4/12生效, 藥明康德及理想汽車染藍, 但小米將會減比重, 怪不得小米沽空勁多