阿爺打救、港股止跌回升

長毛風水佬以前講過恆指：

單數年先高後低(2023年~神準)
雙數年先低後高(2024年?＝＝>年初先落山)

23/1/2024 周二恆指收15354, 大升393點

憧憬救市政策出台，人民幣大幅反彈273點子, 收7.1695, 創近兩周新高, 推動中港股市向上

今日港股創今個月最大單日升幅，好友有心有力，不但收復了昨日所有失地仲升突，而且收市位高過上周五，看來好友想今個星期收陽收升，部署下周二30/1期指結算

昨日15400樓上每百點都有熊出世， 港股插穿15000嚴重超賣, 加上熊熊下移，以及傳出有救市政策，降準、二萬億元平準基金、股票限沽範圍擴至保險資金，移除網絡遊戲管理辦法徵求意見稿……，大鱷就有藉口出手殺倉了

今早衝上 15472 大鱷食少少 熊仔 就刻意推番大市落去，目的係引淡友入局，扮有政策救市都彈唔起，就可趕走擋路蟹貨, 午後踢上去才真正屠熊

有分析師指出睇成交分佈今日阻力位為15254，今日成功上企代表買盤轉趨積極，好友已奪回主導權， 點跌落嚟就點上番去，17/1有下跌裂口在15800附近

～～～～～～～

入市順勢較易炒

過去幾周港股一直碌落山股民理應跟風做淡，但散戶卻不斷入貨博反彈和估底，搞到成手蟹，今日出現止跌回升利好訊號理應跟風做好，但散戶卻做淡，無論升跌，散戶都愛包抝頸

當股民入市信心不足，大鱷就會失驚無神玩挾淡，逼淡友回補空倉，一眾補倉買盤就會推高大市上破阻力位，基金經理及散戶就會追貨，低吸的大鱷就乘機於高位派貨，大鱷沽貨，愈沽愈高

上周四（18/1）大鱷咬住15100唔放，當天反彈115點，唔少股民都以為見了短底，入貨博反彈，引咗好友入局之後，大鱷就玩大插插，昨日(周一22/1）隊穿15000殺到落14794屠牛, 做夠月波幅，逼死好友才抽升

昨日港股嚴重超賣，今日大彈高，由於老肥牛已陣亡，熊熊下移，所以今日港股彈力十足，罕有地大陽燭收升屠熊

22/1/2024 周一恆指收14961, 大跌347點

今日隊穿15000殺到落14794肥牛陣亡後，15400-15800熊出世,  上周四下跌裂口在15764-15834肥熊區

港股嚴重超賣,   唔少人見插穿整數大位入貨博反彈,  市弱由低計可彈600-800點, 市強或有利好消息可彈逾千點, 今個月恆指例牌升一天沽壓就會湧現，能否打破慣性走勢做連升就要看阿爺是虛招抑或真係推出救市政策

＝＝＝＝＝＝＝