KellyChu - 大家樂推焗素魚柳飯 每啖都為減碳出分力 | Executive日記

　　大家樂快餐一直積極參與環保減碳工作，近日就舉辦系列綠色素食減碳活動，包括推出全新菜式「葡汁焗素魚柳飯」（見圖）。小妹最近親身試過，覺得唔單止香濃鮮美，睇返資料，仲發現原來每食一餐素食，其實可以平均減少997g碳排放量，真係每啖都為減碳出緊力，好有滿足感！

　　大家樂亦喺Club 100手機應用程式上，推出全新減碳小遊戲，等大家領取多重精彩獎賞。例如即日起至本月31日，顧客凡購買「葡汁焗素魚柳飯」，就可額外獲100樂賞分！

　　另外，大家樂亦同素食零售平台Green Common及減碳獎賞平台Carbon Wallet合作，為會員帶來系列迎新優惠，繼續為環保出一分力！

KellyChu