消煩解憂
2008/07/18 21:22:51
網誌分類:
生活
黃SIR談及煩惱自尋, 大家可能以為黄SIR有乜良方可以消煩解憂o
其實做人每日起身, 就會被形形式式的鎖事煩住, 一個唔該, 小到派錯報紙, 冇洗面水, 冇廁所水, 停電, 電梯壞咗, 諸如此類, 都會令人十二分𣎴便和煩惱, 真真是避無可避也o
一唔係身體唔爭氣, 傷風咳潄, 喉痛聲沙, 肌肉無故酸痛, 甚或大小便不暢通, 連想去玩都唔得, 仲唔夠煩o
一唔係買咗D股票, 跌到亞媽都唔認得, 担心到寢食難安, 仲唔夠煩o
做人唯一可以唔煩, 就係當咗所有以上不如意事為正常事, 人生不如意事十常八九嘛, 又有乜咁煩呢?平常心是道, 明未?
例如被D裝修佬放飛機, 一早就要預咗佢啦!賭錢賭股票會輸, 咪當長線投資囉o身體有小病o小病是福嘛o總之要放開懷抱, 咪鬼咁執着, 以為世事樣樣可以盡如人意, 唉!边度有咁鬼好彩吖o
如果你練到唔見咗錢, 可以講句破財當災!當乜事都冇發生過, 咁仲有乜嘢可以煩倒你呢?吓?
人地係網上吹水, 你又當真, 成鬼日攬晒D嘢上身, 點得唔煩吖!
回應
(0)
我要發表