應對如流
2008/11/03 20:00:54
網誌分類:
生活
平日同人應對, 少不得要虛偽滑頭一番, 如果事事如實道來, 係會寸步難行也o 黃SIR曾經見有人打電話上電視賽馬節目, 問主持人某隻馬的機會!主持人一本正經話, 會係度嘅! (黄SIR按: 會係度?咁即係嬴唔嬴得先? 跑第尾都係度啦!唔係度?唔通隻馬跑跑吓, 番咗屋企瞓陣先?唔通又會跑跑吓隱咗形, 見唔倒!咁先至會唔係度也!答會係度!真真廢得緊要矣!難得電視臺唔炒閣下!等你亂咁噏, 都一樣會係度也!) 有陣黃SIR見D人出完SHOW問人, 我表現點呀?但見D友又係一本正經, 話:好過操曲果陣好多! (黄SIR按, 唔好過操曲果陣就該燴矣!化晒靚𥺁, 着晒靚衫, 又有晒準備!唔好好多至出奇也!呢句嘢真係放諸四海皆準也!一下不防!俾個唱口窒番句, 操曲你都冇泥!你又知!即刻要補上!諗都諗倒啦!哈哈!皆大歡喜!) 一唔係答句, 初頭未熱身, 越唱就越好嘞!(或者越唱就越有味道嘞!) (黃SIR按: 初頭未熱身, 即係死火啦!唔通越唱會越死火咩?越唱越有味道, 佢鬼知係乜味咩?佢以為係粵曲味, 其實係燶味都未定也!吹水之馬!咪鬼咁認真啦!) 好多時黄SIR上深圳操完曲, D音樂師傅都加句, 好靚! (黃SIR按: 哈!駛你講?唔靚唱泥做乜!靚? 首曲靚牙?黃SIR甩得靚牙?黃SIR開度靚牙?黃SIR声靚牙? 收錢果個就最靚!同黄SIR唱D旦就真靚嘞!黄SIR就靚過嘞! 靚完嘞!冇得靚嘞!正一用個肺講嘢!黃SIR真真多謝閣下讚賞矣!)
回應
(0)
我要發表