大淡友轉態看好 (2)

信報曹仁超﹕ 

我老曹估計，未來經濟係U形反彈而非V形；因此只認為恒指10676點已有得守，愈多人鬧，愈證明我老曹睇法正確。

2007年10月至今嘅投資市況，係我老曹一生中少見財富消失速度咁快。雖然我老曹已採用三七分，即只用30％資金投資，仍可以喺十二個月內水瓜打狗，其他投資者傷成點可以想像，即使今天面對股票超便宜亦失去胃口。今時今日，值得強調嘅再唔係點樣保護你嘅財產，而係點樣响上落市中搵食。

Deleveraging嘅威力令原材料貿易失去信貸，只有大量拋售套現，造成過度供應及減產。估計未來經濟係Ｕ形，即股市已見底，但經濟繼續往下沉，而復甦可能係三幾年後嘅事。世界唔會出現大蕭條，但衰退難免。揀股遊戲今年11月又開始。