見底回升的訊號

dai dai 兄分析:

股票從來都係少數人賺錢嘅地方，當大部份人睇淡嘅時候牛市就悄悄來臨，股市走在經濟之前六至九個月，股市10月28日開始回升，經濟有權衰到去明年下半年。依家全球央行聯手救市，港股又有阿爺守龍門，我相信上次低位10676唔易跌穿，起碼嚟一個大反彈。簡sir今次好大信心，已經入重貨。

曹仁超曹sir認為27/10/08港股10676己見底，所持嘅理由喺﹕

1)熊市見底嘅PE喺6至8倍，而10月27日PE已接近7倍，有跡像見底，就數再見6倍PE，只是跌10多個%﹔

2)道指三次到底不破，有機會見底，利好﹔

3)股市先經濟6至9個月，他預計經濟明年中見底，所以10月27日港股見底機會好大。

明年就算再試底，最多都係喺9500至10800之間。

金兄分析:

即日調整超過3%，一周超過6%，一月超過12%都算似樣的調整。如果恆指在14300遇阻力下調，向下看13870，13440，12870。13400成為牛軍重要防線，如收市跌破、或即市插穿超過一小時，後市偏淡。如果要炒上萬五、萬六點派貨，大戶必會力托13800點、中移動$68，匯豐$78。

用數據評估，預計恆指成份股公司2009年盈利倒退兩成，8倍市盈率以下有長線投資價值，咁10800就算唔係底，就算再插落8000，只要有能力守兩年，市況回復正常，重見16200，12倍市盈率都已經係超過50%回報，正常市盈率應約15倍，即只要經濟復甦，約兩萬點才是真正的中期阻力位。有閒錢分五注，見11xxx開始，每見下插就買#2828或#2800，雖然未必可以搵大錢，但以兩年投資期計，輸錢機會亦唔大。投資量力而為。