恒指/道指 (2/12/2008)

2008/12/01 23:51:10 網誌分類: 未分類

01 Dec

股神畢非特名言：「在人人恐懼時貪婪。」

zipang / 團長分析:

一直都話俾大家聽大戶入正股沽空盤引散戶追
升左三日加埋唔夠一千點

呢3日係14000引老散上車

大戶一沽正股就大跌

今日唔知跌幾多大戶大把正股可以拋出黎睇下老散點頂

stephen 兄分析:

~ 估計昨日恒指 14189 已摸頂 13585 應有支持如跌穿恒指會進一步調整

金兄分析:

恆指今早已經試衝13500三次回落，如果下午無似樣的反彈見一見13600，後市稍弱，繼續尋底。13400-13600呢個位未失守，隨時會失驚無神上上落落，好難玩。

總結昨天尾市和今日的走勢，大戶似乎好心急沽貨離場。明天係第三天，香港係T+2交收，如果大戶明天仲唔補貨，將指數抽高回到13600樓上，我恐怕後市非常淡。我一直有留意A50#2823，走勢一樣惡劣。要小心反彈浪昨天已經完結。如果大市再跌，下一級支持在12600左右，然後炒上落。如果明天都唔肯企上13600，我估大市極淡，可能要爆大鑊野。

中國人壽俾大行稍為調低10%，即價值區由以前的$29調低到$26。不過以佢壟斷優勢及中國偏低的保險滲透率，我仍然放心月供國壽睇五年以上。由於佢比較偏弱，最近已經沒有中短線買賣國壽。

~~~~~~~~~~~~~~~~~~~~~~

道指隔晚大跌680點收報8149

恒指大幅低開全日反彈乏力下跌703點收報13405

今日反彈無望

~~~~~~~~~~~~~~~~~~~~~~

紐約證交所成交增加至16.3億股，跌市成交大，唔係好現象，顯示出貨都出得幾急也。證明之前的大升只是超跌反彈，一有風吹草動，揸貨者馬上獲利回吐，走夾唔抖。美股杜指今浪高位是上周五造出的8831點，未能衝上9000點，如今一跌已跌到8149點，近乎8000點邊，看來又要慢慢展開一浪尋底。

日元兌美元亦升至93.25日元。昨日係美股插、商品跌、美元日圓升，證明早前的相反走勢，即美股升、商品彈，只是一種超跌反彈走勢，唔係轉勢。