恒指/道指 (3/12/2008)
見本地銀行股同埋地產股上升乏力, 拖住恒指後腿, 今朝沽出尋日入既貨食糊, 擔心今晚歐美股市會下跌, 明日才入貨.
金兄分析:
大市經過重重阻力才能升穿13260、13580、13750呢幾個關卡,到達萬四點大關,但期指尋日竟然收13238,一日之內連破三關,除非出現奇蹟,例如平準基金入市,我估大市極淡,未見插穿萬二點不可輕言撈底,淡友大戶完全控制局勢,根本唔俾好友反擊。唯一利好因素係成交唔算大,主動沽盤唔算強勁。除非企穩13580超過半日,才能轉軚看好,否則短線策略係減倉、增持現金、等萬二點再打算。
今日上午的走勢好樣衰,有托住來沽的感覺,技術走勢全面向淡,目標先看12600。局勢不明,我比較傾向睇淡,就算要挾上,都可以先築底試一就12800的沽壓,然後才發力上試萬四、萬五點大位。
我要睇埋今日收市企唔企到13580樓上才能確定調整完成,再衝上萬四點企穩一日才能比較有把握見萬五點。相反如果今日收市向下插穿13400,穿頭破腳,向淡吞噬,整支大陰燭好友就真係要暈低。
如果用基礎分析,美股熊市未完,應會拖累港股,恆指就算彈完點都要再跌,會唔會插穿一萬點好難講,但再插穿萬三點亦好平常,萬二的支持比較大但亦不算是鐵底。
現時傳出成立平準基金,只可以理解為管理層唔想A股跌得太勁,不可以理解為會爆升的好消息。斷估平準基金唔會在A股2000點入市買貨。
點解覺得係派貨?(1)首先確認14300極大阻力,好友無把握輕易殺上去,上唔到,便下試低位。(2)散戶開始肯買貨,再加今日上午同下午都係一開就抽高,然後不斷走低。似派貨。(3)另外除左金融指數稍強(托住匯豐),地產及工商指數RSI都出現見頂回落的走勢。(4)再加上昨日美股靠300億收購雅虎單消息,臨尾彈升,信佢先係傻。
stephen 兄分析:
~ 今日 恒指會有明確方向,
~ 3:45 pm 後 如恒指能重上 13574 恒指可持續反彈 否則會下試 13000 / 12800
~ #2628 中國人壽 $19.2 支持力強
dai dai 兄分析:
恆指收13405.85跌702.99,形成一陀螺,待變,11月27日低位13332.9現支持,上阻力20天線13512及上日開市價13775.3。
小時圖出現十字星,爭持待變,上升目標SMA(100)13535,支持位保歷加通道底13249.2。
信報姚遷﹕
央行方面,近期各國都不約而同採用寬鬆的貨幣政策救市,相信環球低息周期再次展開,加上股市早已偏低,大家現在要考慮的不再是應不應該入市,而是應該如何入市才有較高的贏面。
信報簡卓峰:
港股昨天回吐,恒指最低曾見13345點,下跌758點,出現爭持,收報13405點,下跌703點;成交只有385億元,並不配合。
恒指大漲小回,出現正常整固,昨文已指出連升五天或回吐。恒指由11814點(11月21日),連升五天,升至本周一最高14254點,共升2440點,出現正常0.382的調整,10天線13062點有支持。恒指昨天收報13406點,下跌4.96%,比道指大跌7.7%更具抗跌力,實際上,本港金融業及樓市比美國好,但樓市遲恒指三個月至半年才見底,預料在明年首季。
恒指10676點如熊三見底,則港股已牛市蓄勢待升,暫時處低位波動收集中。滙控(005)預期O八倍,周息8.7厘,長線收集良機;港交所(388)由268.8元大跌至49.7元,跌幅81.5%,現處收集期,將來見280至310元,筆者持有。
~~~~~~~~~~~~~~~~~~
3/12/2008
隔晚道指升 270 點 收報 8419
恒指高開低收 以全日低位收市 升 182點 收報 13588
國企有中央撐住, 每次跌市都是入貨短炒的好時機
傳平準基金入市, A股表現佳, A50下午成交增加大幅上升
元帥你睇到乜
港股靠阿爺及大媽撐市, 上面有肥熊,貼價牛未出世,大鱷咬住高位唔放
日本央行今日開始為期兩日的貨幣政策會議
昨日韓日台股急升,今日反艇
日股收報37,628點 大跌2.16%
韓股收報2628點 大跌1.76%
台股收報19857點 大跌1.36%
上面好多 熊
今早伸多一腳上山大舉屠熊,QQ亦嚴重超買,恆指去到阻力大位17200-17300, 做夠周波幅史哥沽亦有道理