詠春葉問
2008/12/25 12:11:56
網誌分類:
影視
最近睇咗套電影….. 葉問o人物就係講詠春拳葉問宗師, 故事情節就十分簡單, 但編劇都有D橋, 冇乜悶塲!
但最令黄SIR雀躍之處, 就係片中葉問的功夫, 冇花冇假, 正宗詠春拳o連六點半棍都出埋, 只差冇詠春之八斬刀而已!
詠春三套拳, 小念頭, 尋橋, 標指, 加埋木人樁, 片中都有介紹!
故事當然係虛構, 但人物卻真有其人o此片顧問葉準先生就係葉問個仔!
葉問其實係將詠春拳帶來香港的第一代, 其門下三大弟子梁相, 駱耀, 徐尚田o徐師就係黄SIR七十年跟過約两年的師傅了o(當年小弟月入千元, 學費五條嘢!50皮!)
最近聽聞徐師師弟黄淳樑已歸道山, 李小龍D詠春據聞係跟佢學嘅o後來李小龍成了名才補拜葉問為師o唉!從此李小龍做咗黄SIR師叔!
如果唔係, 按輩份, 黄SIR應該係佢師兄也!
詠春近年多得梁挺先生全球發揚光大, 以前佢係浸會大學搞詠春拳班, 仲分黑帶制, 都算好有創意!
詠春拳其實係一D功夫散手!一出手就打人要害!因為嚴詠春係女人, 冇咁多體力同你慢慢打也!
講開武功!黄SIR又大把嘢可以講也!黄SIR識太極拳!氣功!鶴翔樁!靜功十二法!八段錦!柔道就差小小!學咗三個月!剩係識跌!同埋拍蓆!(認輸也!)嘻嘻!
回應
(0)
我要發表