添丁發財

以往過年, 多數恭祝人添丁發財, 添丁是天大的喜事, 發財反而成了跟班ｏ吾姪日前添了一丁, 亦是由吾家父數落第四代矣ｏ（父到子, 子到孫, 孫再到就（塞）了ｏ）（塞）亦即曾孫了ｏ嘉穎能在過農曆年前出世, 可謂生得及時, 趕上逗利是也ｏ

近年D人遲婚, 又遲生仔, 想來四代同堂, 真係十分難能可貴矣！

農曆年, 以往是孩子們最渴望的日子, 一來有利是逗, 二來有很多賀年食品ｏ例如油角, 煎堆之類, 炸油角更是小朋友大顯身手的日子, 由搓麵粉開始, 已很好玩ｏ通常我們多數發揮頑童創意本色ｏ例做男性性器官一具, 通常傭人啋一聲, 笑住照炸如儀ｏ

又走去刨羅白, 整羅白榚, 又係玩過不亦樂乎ｏ做出來的榚, 用一大銻盤（有洗面盤咁大）裝住, 蒸熟ｏ有蝦米, 臘肉之類, 多數一塊塊煎到金黄才吃, 好食過而家酒樓賣D多多声矣ｏ可能羅白夠多, 又係自已有份製作, 份外好食ｏ

至於年榚, 煎堆, 笑口棗都是自製, 很好玩的ｏ

至於利是錢, 更是小朋友一年最富有的日子ｏ家中過年, 兄弟姐妹親友就大開賭禁ｏ小朋友也可以賭番两手, 有十點半（啤牌）, 魚蝦蟹, 大小（同澳門賭枱一樣）ｏ我家小朋友, 風險教育由此開始, 輸光也不准喊, 等佢地知道賭未必實嬴也ｏ我的第一桶金, 亦在過年時揾倒也ｏ

今年過年前又添了姪孫, 可喜可賀ｏ黃家一於發大泥攪, 添丁發財可也ｏ