撫今追昔晉成街

以往晉成街D小朋友, 除了𢭃利是揾錢之外, 還可以在年三十晚, 去派財神𢭃利是揾錢ｏ又可以在大年初一, 舞獅採青揾錢, 想來超伯D活力鼓, 都係由獅鼓演变出來ｏ 得, 隆撐, 隆撐, 隆撐！又簡單, 又有氣氛！得 得 得 得, 隆 撐, 撐, 撐, 撐…..配合埋獅子的步法, 獅頭的動作, 很有氣勢！在獅子前面, 例有大頭佛引路, D街童每家每戶去舞, 收租咁收,  D人拜緊神, 例有大利是一封迎獅子也！

後來可能好揾得滯, 有D武館人仕爭食, 整整吓又話有黑社會爭食, 令晉成街D街童也不敢再舞獅揾外快了！

後來派財神又被D道友同乞丐介入, 晉成街D街童, 又不再玩此類玩意矣！

近年已少見派財神及隨街舞獅了, 迎財神多在電視機前, 而舞獅也变成了高難度擂台梅花樁大賽矣！

以往年夜, 晉成街仲有發財大蚌隨街賣, 又有占卦先生隨街嗌, 求財卦, 撞手神！占支卦, 遇貴人！很有過年氣氛！

晉成街地下的住客, 家家戶戶都貼上春联！什麼天增歲月人增寿, 春滿乾坤福滿鬥, 很有節日氣氛也！

至於放鞭炮, 黄SIR兒時晉成街尚有得玩, 但暴動之後（67年？）, 禁了鞭炮, 而家D小朋友, 再在香港冇得玩矣！

想吓, 想吓, 都好似成 五 六十年前事了！

唉！講起晉成街, 黄SIR想唔認老都唔得矣！