生菜排骨拌餃子 (60款懶女生懂做的小菜--4)

信我啦! 真係試過煎la~~~~

本來影左d幾靚既餃子俾大家睇, 但張記憶卡太大, 得一個讀卡機讀到, 而我又搵極搵唔到果個讀卡機。

簡單黎講, 冇相相睇 =.=  就連想用眼食都難呀。

咁唯有我食晒佢, 得閒時而又搵返讀卡機再請大家對眼食餃子lu……

特別鳴謝網上廚藝顧問「燒pan」先生 XD

佢提供既方法真係得架!

想餃子唔黏鑊既方法……

咦? 有冇版權架呢, 講唔講得架呢, 你地都係問當事人啦 ^0^

(呢篇咁廢既, 仲整到個個都打晒鼓)

咁唯有讓大家笑返作為補償~

你地知唔知我煎野時係點架?

唔記得鑊蓋有水喎,

唔小心整左D水落油鑊, 跟住個鑊就叫啦, D油就跳啦, 我就閃!

以前會躲嚮洗衣機後, 但今日我只係行遠左大概4個地磚 (見到的話一定笑我)

我著住件棉襖咁既野

用長頭髮蓋住自己塊面 (鬼呀!)

想過搵絲巾蓋住塊面 (好似我放上網D相咁)

但呢個時候我已經好想食野

而個鑊冇咁叫、D油冇咁跳

蒸過既餃子就放左入去

好快佢地個底就金黃色

我就快快咁轉佢地

好快佢地第二面又金黃色 (近來小五教緊立體圖形, 即是柱體錐體果D)

就到第三面

已經可以先熄火, 用個鑊既溫度整熱晒佢

好味~ 好味。