懷往事 之 金陵酒家
2009/12/11 11:07:06 網誌分類: 遊戲
當年在石塘咀 金陵酒家就至多酒席, 通常門前吊起大大個花牌, 寫上 何苦（府）宴客, 無（毛）錢联婚, 屎尿（史廖）联婚, 老襯（魯陳）联婚等等之類！
在酒席之前, 例有燒長長一串鞭炮, 黄sir細時站到遠遠, 掩住耳仔看其熱鬧！當鞭炮燒完, 就同成班街童走埋去執d未燃着過的炮仗！
這些炮仗內藏的火藥, 就用來撈飯去餵鷄！通常d公鷄食咗火药就十分好火！
當年黄sir 屋企騎樓有個鷄籠, 一朝早就放隻公鷄落街！我地住在二樓！只見公鷄張翅飛落去！一d事都冇！到黄昏, 隻公鷄又識自已上樓挮, 自動自覺返屋企！信猤信由你！
該隻用火药餵的公鷄, 在街中就最好打同最惡！居然會啄d細路！追住班靚仔靚妹啄！十分有趣！
以前d人去酒家飲宴係好大件事, 要着飲衫, 而小朋友難得有餐正嘢食！要努力爭取, 父母才會帶一個去飲！
金陵酒家. 黃sir反而幫襯最多是, 門口的報紙檔ｏ當年睇完份報紙可以攞去換另一份睇ｏ而到黄昏又有一毫两份的拍拖報！非常抵睇！
再夜d, 就有酒家的雜水到晉成街擺賣矣！
近酒樓得食ｏ 信焉！
黃sir，如果不是您提起漢華中學大火，小弟完全沒印象，當時小弟的表兄已在外埠很多年，直至現在，他的思想還很愛國，不過似唔多實際，始終都是搵銀第一。
67年當時，小弟在中環打工，有位正宗香港仔的同事，愛國愛到發燒，無心工作，堅持要回國為人民服務。小弟利用假期帶他遊半個中國，可惜沒有感動他。最後他自己上廣洲住一星期，這一星期令他很激動。原來要服務的不是自己 的黃皮膚血統，是紅鬚綠眼。現住美國。多年前回港一次，同朋友去西藏希望掘金，廳人講過"想窮都幾難"。
家兄万大有商量在漢华中學讀到畢業！小弟讀到中三ｏ高一才轉讀培英！
漢华大火曾燒死人！該名死者曾有同學話化咗灰都認得你！（結果要佢去認屍！）
67暴動期間我同家兄都冇份矣！
67年我在中大讀物理系ｏ在联合書院！
當年大公報的費（棄）民的兒子費大雄同我是同學！一暴動他就走了去加拿大（？）升學了！愛國？愛至奇也！哈哈！
多謝黃 sir 分享懷舊的歷史，小弟細時就寄居在石塘咀姨媽的家中，同表弟就如親生兄弟，很奇怪一模一樣。表兄就在漢華中學讀書，不過小弟剛到港不久，表兄就離開香港到海外，現時他們二兄弟同住一埠。
當時還有一間福建中學。太平戲院就經常幫襯，金陵戲院就很少到
啊,原來係咁,廣州酒家,都係唔知.當年街市,知.即現在 Novo 酒店後面.
多謝黃 sir解答 !
金陵酒家在廣州酒家斜對面！
金陵戲院在南里街ｏ即現宝翠園門口！
两者冇セ關係！
可能你在西區住時已執了０所以唔覺ｏ金陵酒家行過小小就係山道落到大道西了ｏ
近當年的街市！
黃 sir :早晨,金陵酒家o係邊 ka ? 我淨係聽過金陵戲院鬼故傳說,係咪戲院後來改做酒家 ?
謝謝分享懷舊歷史,我好喜歡,期待更多...