懷往事 之 金陵戲院
2009/12/12 01:08:49 網誌分類: 遊戲
金陵戲院在南里街, 即現今西區宝翠園閘口前面, 經一條斜路（和合街？）出皇后大道西ｏ記憶中南里這條街有很多檔大排檔, 當年的大排擋有小菜, 炒粉炒麵, 粥粉麵飯都有, 炒餸十分夠鑊氣！
至於黄sir至愛, 潮州魚旦粉則只賣三毫子, 但有時黄sir袋中只得一毫子！只能食碗淨粉, 食時先飲佐d湯, 叫老細拍硬檔添d湯, 多數冇托手睜！黄sir踎在板櫈上食, 然後再歎埋d粉！感覺十分滿足！
金陵戲院門口就大把零食賣, 有檔椰子夾酸缗, 欖呀, 酸芥菜之類, 十分冶味ｏ有檔煨魷魚就香到你唔買都想聞吓ｏ是成隻魷魚夾在一鉄夾去煨！煨完就用較剪, 剪開成一片片細片至食得！後來再進步到用一攪輪攪成蓆狀（即而家係美珍香賣果隻咁欵！）
有檔賣天津雪梨, 只見檔主手執利刃, 用快速旋風削皮法, 約十零秒已可去晒d皮！神乎其技！黄sir 直程當表演睇！
牛雜檔就例牌有！檔主揸住把較剪拾吓拾吓就揾倒食！
又有檔賣粟子, 白果, 鶉春蛋之類ｏ總之好鬼多嘢食！
當年去睇戲, 主打係食個不停！睇戲其次！
金陵戲院多做首輪粵語片ｏ
黄sir記憶中, 西片多在太平戲院睇！而首輪粵語片及首輪粵曲粵劇片有時在金陵睇！
早晨qq姐姐，每個人的性情各有異，我個寶貝，同熟悉的朋友講到天南地北，不熟悉的就不采人家。
小弟以前住灣仔船街，一落樓梯經常見到二小兄弟，你踢我一腳，我打你拳，由街頭玩到街尾，媽媽都唔采，習以為常。
現時同樓有對小兄弟，很可愛，眼大大，我以為是孖生，原來差一歲。出街二兄弟很親切有講有笑，最難得是很聽話，爸爸話細聲些，隨即細細聲。
好好的兄弟情,我家兩位少爺連說話也不多.
萬大係家兄！由細佢玩我到大！我冇得揀嫁！
黃 sir,萬大學兄 : 好羨慕您們由細玩到大,有咁多快樂回憶,最重要係友情可以恆久. qq就無此福份.
黃 sir : 咁金陵戲院係咪真係有鬼 ka?金陵戲院係咪而家金陵閣 ?
唔好意思,太多問題,不過我真係好奇 ! 恕罪,恕罪 !
qq/+2
萬大小英雄，您絕對沒有取捨錯，有錯都是所謂"法律"的錯。
似乎我冇俾狗咬過ｏ反而我細佬黑仔俾狗咬親ｏ又係我二哥報警拉咗人地隻狗！黑仔又要打瘋狗針！
似乎後來你冇咁暴力！識利用法律矣！
MATTOCK 先生.
當年小頑童而已.當時年紀小.不知輕重.
kc 被小狗咬一两口.絕不會死.
反而用皮鞋尖踢小狗.会踢傷小狗的.
狗命和人命,情急之下.取捨錯了.
我四歲時之事冇記憶ｏ
但約十歲時有次在巷仔同你一齊玩ｏ俾樓上個上海仔一嘢高空𥖁頭碇中頭部ｏ當場頭破血流！你立刻追上加侖台條山道ｏ又俾你捉倒個碇嘢的上海仔！後來你話打到自己冇晒力至停！上海仔居然冇內傷！後來我都冇セ後遺症！
可能小朋友打交ｏ冇食過夜粥ｏ冇セ殺傷力！
後來我學咗詠春後！從此再冇打過人！（因怕會打瓜佢地也！）哈哈！
早晨黃sir，早晨萬大sir，早晨各位，
萬大sir，您很偉大，是見義勇為的小英雄。反觀香港人很冷漠。
宝翠園对面.金陵戲院左邊舖.你大摡四歲.有隻小番狗追你狂吼.我走前去踢狗.連踢七、八次.冇大人制止我.當時是小孩.情急之下.使用過份暴力了.