少爺占與周麗淇

少爺占少年情懷冧Fans
周麗淇轉型當Dancing Queen

       周麗淇愛笑，很討人歡喜，這幾年間兼顧唱歌拍戲出書做主持，工作量非你我想像，如今已是「bma一姐」的她笑言成功非僥倖，這點我絕對認同，說要轉型當DancingQueen便耗盡時間精力排舞，務求踏上台板現場演繹時能贏盡喝采。今天，周麗淇以「一姐」身份率領同門師弟妹接受訪問，細說他們的專輯賣點及近況。主持：黃柏高統籌：林永匡協力：彭燕燕、袁東亮、陳造宜

        場地提供：香港大排檔

        （電話：28383318）

        倒數，周麗淇說即將推出的專輯取此概念為題，數盡人生舞台的悲歡離合，還有幸與側田合作，把倒數的嚴肅轉化成愉悅。

        「今次以倒數為主題，我覺得人生好多事情都以倒數形態存在，例如人一出世已經倒數生命。最初公司反對，覺得題材好灰，但我堅持，因為『倒數』唔一定係壞事，自己諗咗好多相關題材，例如世界末日、感情完結、初生兒等等。側田以初生BB為題寫作《搖藍曲》，歌詞講父母睇住子女長大，到子女識行識走唔再關心自己時，仍會守護子女，好感動。」

        日夜苦練舞功

        坦白說，要成功，勤力是必須，天時地利人和亦重要，周麗淇做得到，決定轉型當DancingQueen便不分晝夜排舞，結果在澳門bma騷上贏盡讚賞。

        「新派台作《八百天》係寫我對2012末日預言嘅想法，話題雖沉重，但以快歌輕鬆節奏來演繹。為演唱時效果更好，我花比平時多一倍、整整一個月時間去排舞，好在上次澳門騷表現不錯，觀眾接受，自己都好開心。」

        野仔轉型吸納大眾

        愛BandSound，野仔主音少爺占加盟bma後，繼續玩盡「情懷」，剛推出的新專輯更獲公司大力支持，混音配備盡善盡美，讓樂迷享受更好的音樂。

        「野仔今年簽公司出唱片，算係正式入錄音室做碟，可以感受到大製作的質素。今次專輯風格無以前咁偏激，想吸納大眾支持，都係圍繞18歲前後嘅少年情懷，派台的《熱血到死》貫切野仔風格，好嘈；而《中學生應該談戀愛》就夠Pop，吸引中學生聽，放上網兩日點擊率超過10萬，有咁多人聽，真係好開心。」

        小琳翻唱天王金曲

        出名唱Jazz的小琳（前名胡琳）選擇翻唱四大天王的經典金曲，女唱男音絕非易事，聲音韻都要掌握得準確，特別是歌神張學友的作品，難怪小琳坦白告訴我壓力倍增。

        「翻唱中文歌比英文歌困難，因為樂迷早已有好深刻印象，係一種挑戰，一定要唱出自己風格。以前係黎明Fans，聽好多黎明的歌，選了《那有一天不想你》、《Oh！夜》，以為自己一定會演繹得最好，點知入到錄音室先知，我唱得最好的，係劉德華的《他的女人》，華仔唱出浪子feel，而我就反以女性角度去演繹，感覺截然不同。張學友的歌最難唱，難度高，聽學友唱《頭髮亂了》好輕鬆，但到自己錄音時先發現原來好難。郭富城則選了《我是不是該安靜的走開》，呢首歌好感動我。」

        夢想，誰沒有，周國賢說他對音樂充滿熱誠、有夢想，希望藉着音樂扶助女兒成長，一洗昔日的憤世嫉俗，以輕鬆曲調散發正能量。

        「呢幾年發生好多事，我都有三個女，同時，亦發現好多長輩相繼離開，心態上覺得幸福唔係必然。以前啲歌帶住好多負能量，直至有日個女問我首歌講咩，我先驚醒，唔可以教壞個女，所以依家寫歌會希望帶出正能量訊息。今次專輯慢歌較多，可能受玉置浩二影響，寫的都是細膩感人故事。好似新作《英雄勇》講每個人心裏都有夢想，但夠唔夠膽踏出第一步先係問題。而《有時》想講人生、愛情都有時間性。」

        Paco周麗淇少爺占小琳周國賢

        黃柏高