看(高平聲) bb日記
我姪女係個bb, 2個月大, 勁咬佢隻手~
之前成個拳頭放入口 (可以放到既部份), 依家手仔勁靈活, 放手指入口。
佢唔咬奶嘴架喎, 只咬手……
今日之前只咬左手, 依家右手都咬,
人地俾奶嘴佢, 佢識推開人, 或捉住個奶嘴, 推跌個奶嘴。
佢媽媽輕力用手巾仔綁住佢對手, 不過佢識努力咁鬆開, 繼續開心咁咬。
我覺得呢個bb唔係單純既, 佢心裏面已好多計謀 (勁聰明既bb!), 佢媽媽都話個bb成日「扮可愛」添呀:
見到冇人會勁哭,每次都冇眼淚架; 佢真係好餓, 先真係有眼淚。
總之, 有我爸爸抱佢 (佢爺爺係軟綿綿既梳化), 或者手臂有d肉既我呀媽或者佢呀媽抱下, 就即刻唔哭。
我唔識抱佢, 就拎住會發出音樂既公仔, 嚮佢面前搖;
我最癲喪就係嚮佢面前讀文學同英文, 總之bb聽高音會有反應, 我把聲總算有d用。
不過佢最鐘意都係俾人抱同咬手指……
有d網上論壇話, bb到1歲時, 用手會比較多, 會少d用口,
希望佢到時唔會再係手口並用啦,
因為網上面又有人話bb咁樣會腸胃出問題呀~~
(呢篇用口語, 因為變書面語會比較難捉緊呢一刻既感覺)
「寶貝吃手有規律(http://tw.myblog.yahoo.com/jw!HLKQNl2eGQOFdGUf0LPqPWBR35sRKQ--/article?mid=19)
寶寶剛出生時,口唇接觸媽媽的乳頭就會自發地作出吃奶的吸吮動作,這是一種生理性的吸吮反射。當他們在飢餓時,無論口唇碰到什麼東西,都會引起吸吮反射,甚至在熟睡中也會自發的出現吸吮動作。
稍大一點,飢餓時大多數寶貝(佔嬰兒的90%)會將自己的手指放在口中吸吮,這是一種正常現象,爸爸媽媽不必太在意。
2~3歲後,寶寶飢餓時會要求吃東西,這種吸吮手指現象逐漸消失。」