鄒凱光, 余迪偉：唔好話我猥瑣
2010/09/20 08:44:57 網誌分類: 娛樂
18禁棟篤騷 大膽攞「性事」上枱
鄒凱光, 余迪偉：唔好話我猥瑣
| 「大膽程度去到你接受唔到為止。」鄒凱光說。聽他這麼一說已覺得相當吸引。由商台DJ余迪偉與鄒凱光一齊做的棟篤騷《爆響口之唔出得街》，將於下月22至23日在香港理工大學賽馬會綜藝館舉行，兩人強調此騷18禁，即未滿18歲人士不得進場。限制年齡入場，全因內容涉及性，對於香港人來說，性題目恍如洪水猛獸，導致香港性教育還停留在十多年前，「我到中學先知道包皮如何清洗？」余迪偉忿忿不平的說。所以，兩位大膽之士決定將大量未能公然在電台節目中談論的出位話題大晒冷，還邀請了官恩娜、周秀娜及羅仲謙做嘉賓，各位有「色」之士準備好沒有？主持：黃柏高統籌：林永匡協力：廖思慧、彭燕燕、張詠森黃柏高 何謂《爆響口之唔出得街》？點解禁18歲人士入場？就由余迪偉鄒凱光跟讀者們解釋一下。 鄒凱光：「我哋做節目時，發覺閂咪講嘅嘢係最好笑，因為全部內容都唔出得街，我哋就諗，不如搞個Show將唔出得街嘅嘢搬晒出街。我讀中學嗰陣被記過13個缺點，11個都因為我講鹹濕嘢，但所謂嘅鹹濕嘢，都係同同學分享吓童年嘅性趣事，例如第一次自瀆，喂，正常嘢喎，但一講起，人哋就話你猥褻，仲記我缺點。」 余迪偉：「好多OffAir嘅內容都好好笑，開咪講得就好嘞，其實兩年幾前已經有開Show嘅Idea，當時有個講性嘅節目叫《午夜閒談》，好多題目都唔出得街，但嗰啲就係最好笑，所以由嗰時開始就有開Show嘅念頭。香港做舞台Show的規格好鬆，全裸同講粗口都得，但要喺張飛寫明，同埋要知會場館。除咗OffAir嘅題材外，以往我都儲埋好多題目，因為由細到大，我都喺朋輩中比較開放，好唔鍾意香港對性嘅忌諱，好似包皮嘅衞生呢啲咁簡單嘅嘢，父母無教過我，我到中學先識，其實都係身體一部份啫，我覺得要拎出嚟講囉。」 性在任你笑 棟篤騷註明18禁，究竟節目的大膽程度去到哪裏？兩位主持人可以跟讀者們率先透露Show內的必殺技嗎？ 鄒凱光：「大膽程度去到你接受唔到為止，你接受到咩？就唔得嘞，你係咪頂唔順先？咁得嘞，咁我去做呢啲。其實講出嚟又驚你哋嚟到無驚喜，唔講出嚟又驚你哋覺得我哋無料到，簡單講，香港人好鍾意空口講白話，粗口性行為等成日講，但全得個講字，係咪真係識做呢？我哋都好猶豫。所以我哋喺現場會示範各種性愛形體，未必晚晚做到，可能做完第一晚已經扭親，所以早啲嚟睇有着數。」 余廸偉：「大家應該珍惜每一次嘅性行為，好多人好浪費，好多統計顯示，香港好多人做愛的平均時間只得十分鐘，咁真係死得，就當你好忙，係咪更加要珍惜做嘅機會？應該試多啲花款，好好去享受。」 性在有嘉賓 香港雖號稱國際大都會，但對性這個字卻諸多顧忌，《爆響口之唔出得街》正好是一個性的控訴，為性字作出大平反，亦希望教導觀眾性的正確觀念。 鄒凱光：「又唔好講到教育咁嚴重，一講到教育啲人唔聽㗎，節目會有三娜一謙做嘉賓，包括每晚教英文，只聞其聲的Madalena同周秀娜及官恩娜加羅仲謙。我哋都好想嘉賓同我哋喺台上互動，但人哋未必肯。其實香港嘅性文化好得意，點解啲人喺夜晚要開大個收音機先嚟做愛？因為唔可以嘈到隔籬，其實有咩問題呢？開心之嘛。我細個住屋村，夜晚聽到隔籬屋有收音機聲，阿媽就話：『好嘢，過幾個月有紅雞蛋食。』我哋就係想打破呢啲咁迂腐嘅思想。」 性在有幻想 棟篤騷題材夠晒引人入性，不知兩位主持人對入場觀眾又有何要求？ 鄒凱光：「帶性幻想嚟就可以，因為無性幻想嘅人好悶㗎，我覺得個Show好似嘉年華會，但8點開Show，觀眾千祈唔好8點先嚟，7點半前一定有嘢發生，同埋唔理男女最好着背心嚟睇Show，我喺台上望落台下，全部背心，你話幾正呢！」 余迪偉：「我就着乜都無所謂，openyoureyes,openyourmind就得，同埋最好觀眾睇完之後，可以好Enjoy，返到屋企同伴侶可以愉快地做一次。」Paco鄒凱光余迪偉 |
 | |
| |
 | |
| |
 | |
| |
 | |
 | |
|
回應 (0)
我要發表
