發夢見到2個小朋友

發夢見到第一個, 係好可愛既, 話說佢係我姪仔喎 (我依家得個bb姪女咋, 但夢裏面個姪仔都幼園至小學咁大)~~

個「姪仔」對我爸爸講完「爺爺早晨」, 就講「耶和華耶穌早晨」, 嚇怕我爸爸: 我地係中國人, 宗教方面, 係... 不過我鐘意夢裏面個「姪仔」着西裝, 應該有d明亮顏色既邊, 一定係有cutting既, 着到佢好「帥」呀!!!!!

跟住就係發夢嚮經過既公園仔坐低, 睇睇下書 (我都唔知點解會咁, 我平時唔會嚮公園仔睇書), 覺得嚮公園仔睇書又幾舒服。跟住有個小朋友叫我「miss __!」咦? 我以前嚮d小學打雜時, 「教」過既小朋友認得我? 望下, 係個我已忘記左既小朋友。佢個姓氏同我愛人個姓氏一樣~~ 真係「咁arm得咁橋」。

醒返之後, 我記起佢班主任同我講過, 呢個小朋友表面上好乖好斯文 (都係好靚仔架!), 其實係好陰濕, 整完同學又唔認。愛人第日個b係咪都會咁呢?