表妹的邏輯

三年班既表妹話:

「你咁大個都仲要做功課? 你係小朋友黎架?」

佢又問:

「你學校d人係咪成日跑架?」

第一句個個都聽得明, 但第二個問題, 「係咪成日跑」,

我腦裏面想到一d繁忙既人跑返工、跑返學~

d同學其實再忙都唔會跑, 因為遲到咪遲到lor, 勁多人返學遲到 (夜晚返學, 真係可以得幾個人冇遲到)。

話晒, 都係大人啦 (其他同學仲有部份大過我好多, 佢地可以有d好大既仔女)~

但係呀媽就明表妹問咩:

「細路仔先會跑黎跑去, 佢地頑皮, 大人唔會跑黎跑去。」

表妹:

「咁都會有d頑皮既大人架, 有飛仔架嘛。」

我間學校係培養教師既教育學院, 當然依家加左好多垃雜課程, 唔係培養教師既, 但佢所講會跑黎跑去既「飛仔」, 我又真係未見過。

我只見到有d上莊既人, 叫黎叫去~

不過上莊叫黎叫去, 好似城大d比較跨。我只讀過呢兩度, 所以其他學校有幾跨我絕對唔知。

個邏輯係, 冇該方面既生活經驗, 就會想到d同實際唔同既野;

就好似我去思考表妹既問題,

同埋表妹要思考我既答案既時候。