M理論 2
2011/01/08 11:49:20 網誌分類: 科技
科學上, 周時都有人提出D新理論, 新理論偉大之處, 是改变了大家的想法!
因為思想一錯, 人類就往往自以為是, 不惜工本去繼續錯下去!人就會執着同盟塞!比如以前人類以為自已住的地球是一平面, 於是便諗嘢就諗到錯晒!
當有人提出地球係圓嘅!D 自以為是的人就同你拗, 又振振有詞, 話: 比如一個皮球, 你又點企倒係個上面呢?又比如地球之下面, D人又點可以企呢?錯而不知!反而歪理一番!令有識之士欲辯難辯!
點知牛頓萬有引力理論一出, 地球是圓的, 完全可能!今日已經冇人會懐疑地球下方d人會跌晒出地球!可見知識能令人冇咁執拗!又冇咁盟塞也!
又一如愛因斯坦先生的狹義相對論, 計倒 E = MCC o 嘩!小小質量, 化為能量就大到無倫!於是一個唔該, 整個原子彈俾日本仔歎吓!結束了第二次世界大戰!你都咪話D理論冇用!
當然普通人乜理論都唔識, 一樣會過得快快樂樂!但能明白別人所講的理論, 畢竟是冇咁執拗!又冇咁盟塞!同人溝通都易D!就算唔識唔明, 知道呢世上有人識, 有人明!同人相處都會謙虛D!
做人能理解世事多D, 做人都會醒D!明未?
得閒諗吓宇宙, 人的胸襟都會濶D也!
回應 (0)
我要發表