25年集體回憶 誓跟歌迷互動互唱 許志安：大家陪我一起成長！
2011/03/14 08:46:35 網誌分類: 娛樂
| 今天的許志安笑得很燦爛，剛正式宣佈跟鄭秀文復合，是喜慶事，我替他們開心，須知道，這次復合意義可大，是一生一世的承諾，歌迷對此大舉支持，是的，許志安是陪着大家一起長大的，他的歌總有一首為你而唱，5月紅館三場《On and On許志安25周年演唱會》火速爆滿，許志安說要由觀眾即場點唱，還重點說這絕對是個派對，你又怎可能錯過呢。 主持：黃柏高 統籌：林永匡 協力：彭燕燕、袁東亮 許志安說這次演唱會是集體回憶錄，單是度Rundown已覺頭痕，無他，25年絕不是一個短時間，一年三首金曲，我也不懂得揀選。 「個Rundown仲未度好，太多歌想唱，全部都係陪住大家長大的經典金曲，好似《一步一生》、《唯獨你是不可取替》就一定會唱，盡量滿足觀眾要求，演唱會班底都係合作無間的戰友，想同歌迷集體回憶，唔會飛天盾地，會同觀眾互動點唱，即係佢哋想我唱咩歌都得，想感覺似Party。其實25年意義重大，好值得紀念，希望有機會再整多個25年。」 加重跳舞環節 觀眾愛對着舞台上的許志安尖叫，每次開騷例必操出健碩身段，結實腹肌，誘惑舞蹈，讓人目不暇給。 「記得98年演唱會開始操腹肌，每次都給觀眾驚喜，今次我操得健康啲，因為仲有時間慢慢去搞，之前好幾次都係短時間內操，同埋想有肉地啲，唔想再係鋼條，想大隻啲感覺Man啲，會加重跳舞環節，嘉賓方面真係未諗，BIG4其餘三子就真係唔使擔心，你根本管唔到佢哋，佢哋想點會自己同監製傾，其實都有好多經典合唱歌，會嘗試請葉德嫻，Sammi就未必會，都係視乎時間夾唔夾到。」 25年感受良多 說25年，倒不如說四分一世紀，許志安說他的星途並不十分順暢，有高低起跌，今天停下來回首，畫面確實精采。 「從華星開始，到正東再到東亞，每個階段都好深刻，觀眾見證我的高低起跌，人要向前望，有個朋友同我講『最緊要明天！』起跌每個人都有。要我分享最開心嘅時刻，無何否認係Paco年代，由97年《我的天我的歌》、《真心說愛你》一路好多金曲打落去，跟住行國語巿場，途中跌跌蕩蕩，高高低低，是一個見證，我不是太遠視的人，覺得此刻做好自己就好，計劃唔係無，但唔會好遠好盡，享受此刻，想嘗試新事物來滿足自己，講真，計劃太遠會怕遙不可及，最重要做好手頭上工作。」 |
 | |
| |
 | |
| |
 | |
| |
 | |
回應 (0)
我要發表
