玉米豬柳芝蛋治(60款懶女生懂做的小菜---50)

勁茅呀!!!

玉米豬柳芝蛋治根本就由「 玉米豬柳@清新之選」演變出黎, 製作方法同「提子牛芝堡」如出一轍~~

首先係煎蛋, 再放d芝士上去, 蓋上個鑊, 等d芝士慢慢融化...

跟住係用微波爐以2分鐘叮返熱昨晚特登留返今日早餐食既果塊 玉米豬柳 。

煎兩塊方包, 放一塊嚮個碟度, 再放d融和左芝士既蛋上去, 然後放豬柳, 加d沙律醬同蕃茄醬。你會發現叮完既豬柳係細塊左既, 而且有d硬, d沙律醬同蕃茄醬可以滋潤返佢既肌膚 (如適用 XD)~

跟住就係蓋埋另外塊包上去。禮成!

(可以加一杯紅茶, 慢慢享受...)