小明去面試下集
(上集:http://blogcity.me/blog/reply_blog_edit.asp?f=27BN6X14KT61520&id=305767)
小明今日去左另一間公司見工。佢想見工時chok一d, 所以去剪左個靚髮。基於上次見工既教訓, 小明已經準備去回應考官可能會問既、上次個考官問過既問題。佢想背杜甫既, 或者李白既, 甚至淒厲又激昂咁大唸李商隱既或者陳子昂既... 不過佢發現左篇同呢行有關既報紙, 好似好好用, 於是帶左出去。
今次係小組面試, 求職者一批又一批, 今明兩日都有。星期一會知結果, 但漫長既路程令小明擔心自己體力上既消耗- 而且, 呢份係朝九晚五, 仲要開會既暑期工!
面試表現幾好。小明仲同同組既應徵者一齊行返去地鐵站添。條路真係好長下...
大家各散東西後, 小明開返個電話。女朋友小雯打左個電話俾佢, 佢覆返; 佢又見到一個唔知邊度俾佢既留言, 因為火車車廂太嘈, 聽唔到, 小明想返屋企先上網查果個咩電話。到小明搭小巴時, 又想聽多次個留言, 終於聽到份工既內容係咩, 但都未聽到邊度搵佢。
佢決定嚮小巴上面打返個電話過去!
聽到個部門名同個地點, 佢覺得係上次果個女人果間公司呀! 不過做野時間少, 人工卻好似最高 (每個鐘咁計), 最可以配合小明既才能、學歷、經驗... 工作時間係少d, 但工作範圍佢鐘意嘛...
返到屋企, 小明再聽個口訊... 第3次聽。真係上次果間! 到時唔知係咪搵果個女人簽約呢?
個女人當日係咪只係想試下而唔係想懷疑, 又或者今期d求職者裏面小明算係比較好一d, 又或者其他應徵者嚮個女人既試探下表現更差呢?
小明覺得唔需要想咁多。開始寫計劃書, 到時要用就唔怕要臨急臨忙整啦。工時係少d, 但可以就其他時間去見一d唔係暑期既工喎!
唯有咁樣思考啦。唔係可以點? 小明拎左本行事曆出黎, 記低d要返工既日子。
唔知有冇續集呢?
個樣咁怒既?
恭喜~~~~ 女朋友小雯打左個電話俾佢
係呀 ^0^
有工返呀? 恭喜哂喔.... 唔駛為咗煮乜餸,拗哂頭喔~