ga...

bb姪女今日成日講「ga」, 我懷疑佢想叫「姑姑」或者「姑姐」……佢雖然有時識講「爸爸」, 但有時繼續「da」。

仲有兩日就1歲人仔la!

佢同d bb朋友(都係bb) 開左個生日會, 食左個大大舊既四方型蛋糕, 於是今日佢便便左4次? (聽呀媽講bb咁細個唔好食有忌廉既蛋糕, 怕對腸胃唔好)。

bb真係好多玩具呀, 仲好多玩伴添呀~

不過我發現左樣野: 佢爸媽成日對住電腦, 好似好少理佢咁既?我曾經想過ｂｂ唔需要成日理, 覺得成日理會依賴, 但我又真係感覺到bb好想同佢爸媽玩喎。呢種矛盾……到底良好既關係重要d, 定獨立重要d?

或者應該先要建立好良好關係 (作為良好既人際基礎), 嚮成長階段一步一步俾佢獨立既空間, 咁樣應該最好掛。但又好難怪佢爸媽, 因為日日對住個會有屎有尿既bb, 始終都要返d私人空間架~

於是, 我呀爸呀媽, 仲有我、二哥, 對bb既成長都變得好重要。因為我地可以分擔到一d, 又可以同bb分享到多d既愛?

今日我覺得同bb成為左朋友la! 好開心。佢會搵我同佢玩,玩既時候我d chok樣要收埋, 「板起塊面既miss樣」要收埋, 應該拎個開心同天真既樣出黎……咁, 又其實仲易過平時「扮返似大人」la!