預告明年紅館開騷 慨歎樂壇青黃不接 太極主音雷有輝:有人連mic都未識擺!
2011/06/27 08:46:52 網誌分類: 娛樂
真正懂音樂的,會知道「樂隊」才是真正推動音樂文化、帶領潮流的靈魂,我一直全力支持樂隊發展,從太極、Beyond到今天的Rubberband如也。太極樂隊跟我的音樂理念很相近,多年來,致力把Rock&Roll的音樂文化注入本地樂壇,說到現時的音樂製作,他們慨歎大不如前,今天難得相聚,暢所欲言。 主持:黃柏高 統籌:林永匡 協力:彭燕燕、袁東亮、李珮琪 場地提供:富豪東方酒店 不是要自誇,太極樂隊的成功全賴我當年全力支持,長租Band房、錄音室,任由他們做喜歡的音樂。 鄧健明:「Paco係恩人,十幾年前做唱片肯放手畀我哋去做,又畀好多意見,嗰個Hi-Fi碟Project真係好正。」 盛旦華:「那段時間造的音樂最犀利,到今日出去都係唱《留住我吧》、《Crystal》這些。」 雷有輝:「最記得當初我哋想修改《留住我吧》的詞,係Paco話唔好,叫我哋照唱,結果就係最受歡迎。今次澳門騷選唱很多以前Plug過的Sidetrack,好似《沉默的風暴》再玩又OK,好有Feel。」 8月推出新作 歷史告訴我們,做音樂應該BacktoBasic,靠靚聲和質素取勝,要Analog而不是Digital,前者有靈魂,後者沒生命。 鄧健明:「只要你戴Headphone仔細聽以前啲歌,會發現結他部份有好多零碎嘢係唔知點解會彈到出嚟。Analog好講求技術,因為你彈唔到、打唔到就錄唔到Analog,冇得剪、冇得CopyandPaste。最近我哋上Gary個錄音室Jam歌,直接錄起就用,預計8月推出一張全Live作品。」 盛旦華:「以前我哋喺錄音室大,每一粒制都知道做緊咩,係一種訓練,靠耳仔去聽音樂,現在的,靠睇WaveForm,一見到就會諗,嘩!呢啲仲唔係垃圾!」 劉賢德:「都無辦法,依家啲年輕人聽Digital長大,自己玩咗咁多年結他,依家會盡量擺多啲唔同聲落啲歌度,玩盡啲。最近我幫Rubberband造碟,佢哋TeamSpirit好好,主音阿正係讀音樂出身,有好多嘢都好好,可以去到好遠。」 堅持Livein 說到現時的音樂文化,太極跟我睇法一致,我絕不要那些執到好假的音樂,完全沒有Character。 鄧健明:「今時今日想punchin好易,劃就得,以前要個Engineer聽住你彈嘢,Feel住個Music去punch,依家啲Engineer都唔認識隻歌,只係識睇住個WaveForm。以前走音係錄唔到碟,我哋要練好耐先去錄音,係真係唱到至可以錄到囉。」 雷有輝:「我哋以前靠實戰,依家嗰啲mic都未識擺,班歌手出唱片係靠監製做後期,逐粒音執正。」 期望巡迴演唱 太極將再踏紅館開演唱會,我替他們高興,須知道,樂隊不同歌手,是一個有默契的團隊。 雷有輝:「已入紙明年五月,預計開兩場,哥哥Albert應該會到,不想以甚麼周年來作主題,所以會創作新歌配合,遲下希望可以在內地舉行巡迴騷,把音樂帶到每一個華人社區。」 鄧健明:「曾經有個北京唱片監製也建議我哋改編啲Hit歌,推出國語版,看來真的要試一試。」 |
| |
| |
| |
| |
| |
| |
回應 (1)
我要發表
PACO名人會 2011/06/27 12:32:21 回覆