2012年剛開始，任賢齊已努力在樂壇上力爭上游，繼剛推出的《不信邪》專輯外，2月18及19號亦會在紅館舉行《神魔人》世界巡迴演唱會，可能拍電影多了，小齊連構思演唱會概念亦充滿電影感，「Rundown排到好似一部戲咁，故事由不安到解決至重現美好將來，發揮人類互助互愛的團結精神。」加上個唱由五月天班底去製作，連蘇永康聽畢亦拍爛手掌，大表期待。問到剛成為大岳娛樂首位藝人的康仔有何龍年大計，一臉信心滿瀉的他說：「會出一張高水準嘅國語唱片，始終大中華市場好重要。」 主持：黃柏高
統籌：林永匡
協力：廖思慧、袁東亮
場地提供：海王潮州樓（23666663）
小齊是一位我好欣賞的歌手及演員，能同時兼顧影壇及歌壇的藝人不多，難得小齊兩者兼容之外亦非常成功，實在可喜可賀，對於即將舉行的巡迴演唱會有何賣點及特色，小齊由主題開始慢慢告知讀者。
小齊：「演唱會叫《神魔人》，因為有傳2012年係末世紀年，大家都覺得好不安，所以借呢個主題去講述，喺神魔人共存嘅世界，無魔法同神力嘅人類好渺小，但我相信只要大家團結，努力為將來用心去做，人絕對能勝天的，整個構思都希望鼓勵大家為夢想而努力，今次演唱會由五月天班底去製作，Rundown排到好似一部戲咁，另會再拍一啲Visual嘅片段放喺大銀幕播。」
康：「聽到Rundown又五月天又拍片，眼前即刻有兩個字出現，就係──燒錢，製作費真係不計成本，好厲害。」
小齊：「今次製作成本以50場計算，所以製作費可以Share50場，成本降低好多。」
劇本式Rundown
Paco：演唱會構思好吸引，但怎樣將故事跟歌曲串連?Styling方面又會如何配合?
小齊：「好幸運，之前唔少成名曲好似《對面的女孩看過來》係開心嘅，《心太軟》好溫馨，而《傷心太平洋》就好man，排Rundown就好容易排到一個故事，一班人開始面對一個挑戰，中間加啲溫馨元素，再慢慢變得振奮，突然Boom一聲，一個光明同美好嘅將來呈現喺大家眼前。」
康：「可能小齊之前拍好多戲，所以將好多電影嘅思維放落演唱會入面，睇完佢演唱會就如睇完一部戲咁。不過，一個電影性咁強嘅演出，服裝必定要努力去諗，要切合劇情、歌曲同主題唔容易㗎。」
歌影雙棲
Paco：恭喜成為大岳娛樂經理人的小齊，但同時亦好肉痛，好似從我身上切走了一塊肉般，因為小齊簽下的首位藝人就是我的多年戰友蘇永康，不過，我是真心替兩位高興，2012年均有一個新開始。問到龍年大計，阿康將會唱歌拍戲同步並進，在此預祝他成功。
康：「剛簽小齊嘅時候，佢叫我拍多啲戲，同埋要做一張好嘅國語唱片，點知去年突然從天而降一首《那誰》，計劃即刻有變，返嚟香港市場先，但今年真係要做國語專輯，始終大中華市場好重要。另外就係拍電影，下個月將會去新加坡拍戲，演一個我無辦法接觸到諗法嘅人，就係做一個病態賭徒，不過，新加坡電影規限問題，我唔識食煙又唔可以飲酒，點可以去演繹一個賭徒嘅神態？所以我做咗好多資料搜集，希望演好呢個角色。」 | 
希望鼓勵大家為夢想而努力 !