17/8 收市重上二萬

近期美股又處於高位, 表現一流, 相反中國股市卻在尋底階段, 其實美股造好的功臣首推蘋果, 大戶只要操縱一隻蘋果, 便可為指數帶來創新高的效果, 但從資料看, 蘋果每天竟然有二,三千萬股成交, 以每股670美元計, 每天單是蘋果的成交金額已經達到130至200億元, 這是美元, 折合港元達到千多億元, 單是一隻蘋果兩天成交已經多於港股一週的成交量, 是否很恐怖的數字. (轉貼信誠證券 劉兆祥 28/8)

花姐, 中移9月6日(下周四)派發股息 $1.633

一個月高位$92.6  / 低位 $81.8  累計跌幅 $10.8 (跌11.7%)

今日收$83.55, 中移連日急跌後略為喘定, 部份原因係有好色之徒 Persie, 緣仁......護盤, 今個月低位 $81.8, 呢個位扣埋股息係$80.17, 有心人想守住$80, 所以跌到落$81.8就止跌回升, 向上方面, 我估短炒$85會有阻力, 幾錢入貨? 你話呢? 一手$42000搏幾多才化算?

(註: soho 打錯字, 應該係好息之徒)
~~~~~~~~~~~~~~~~~~~~~~~~~~~

111, 上周五的網誌:

內地技術分析專家推算上證綜指底部在 1800 點, 正負 180 點, 換句話說, 樂觀看法是  1800 + 180 = 1980, 悲觀看法是 1800 - 180 = 1620, 24/8上證綜指低見2089, 創41個月新低, 仍未止跌, 繼續尋底之旅

剛回家, 睇下股市乜野衰樣? 哈)))) 上証綜指今日收 2055  大跌36點  跌 1.74%, 內地股市真係俾我咒死左呀! 想逼阿爺做野, 急跌好過陰陰跌噢!  

上星期的魔咒真係好靈呀! // 內地股市真係神台貓屎, 神憎鬼厭, 唔該快d跌死佢, 唔好係度拖拖拉拉, 死唔斷氣, 阻住個地球轉  //

Soho 嘩你魔咒果然好靈真係唔好得罪你。咁你咒佢去到咩位

soho, 我以為你邀請左國家隊進場入市, 原來係國家跳水隊表演.  

話時話, 真係無水花!  韃死...

Soho醒我幾錢入941

至醒係soho

pplo：我都入左中移動！

我改左用渣打戶口出糧，可以有股票買入免佣金，但賣出就要俾佣。

soho 醒! soho 勁!  soho 無得頂! 

各位午安!

友仁, 哈)))) 我點止今次 [倒果為因 ] 呀! 我成日都係咁咖! 我係學左財演既口吻, 我而家連睇市既思維方式都好似財演, 死喇! 學壞師

111, 我真係覺得前世欠左銀行, 今世要還, 一入股場深似海

試過賺幾百, 扣埋手續費只係賺幾十蚊, 唉! 風險在我方, 銀行就印印腳手續費袋袋平安

花姐, 唔制呀! 你偏心, 凈係讚友仁至醒, 冇讚我

Soho 及各位好嗎? Soho講得好扣埋手續費一千幾百有時覺得自己幫銀行打工重要搵埋銀比佢洗（欠佢咁）

友仁你的論斷真係至醒

soho,

你今次倒果為因喇, "我估花姐大戶少左入市, (因為所以)港股成交縮減"

花姐, 你都要出下力支持港股至得喇!  唔該! 

花姐, 為搏紅顏一笑, 我寫乜都得咖! 睇番你重貼我的留言, 才知道自己把口好臭, 唔知阿爺會否秋後算帳封殺我呢?

我都好掛住你呢! 唔見你咁耐, 搞到我無晒心機炒股

我估花姐大戶少左入市, 因為港股成交縮減

soho 、花姐：早晨

花姐：好掛住你呢，你有無做買賣呀？

SOHO PPLO早晨

久未問候大家,在此祝大家股市出入平安,有賺有蝕才是真英雄!

想唔到soho股評呱呱叫咒人用詞同樣拍案叫絕

內地股市真係神台貓屎, 神憎鬼厭, 唔該快d跌死佢, 唔好係度拖拖拉拉, 死唔斷氣, 阻住個地球轉

上証綜指創41個月新低, 我真係俾呢個「陀衰家」悶到想死, 搞到我連網誌都唔想寫, 中港兩地股民投資意欲都創新低啦! 盂蘭節搵鬼入市

笑屎人咩~

緣仁, 好懶呀! soho 俾大鱷悶死, 頭先寫下寫下網誌都丟低左, 走左去睇電視, J 2 星期五 9:30pm 新日劇 ~ 冷面獸醫 都幾好睇啵!

8月恒指高低波幅一直冇改變, 仍然係19454~20300, 波幅僅846點, 仍未達標, 7月波幅就有1159點, 而每月波幅通常有1500點, 下周是好淡大鱷決戰的關鍵時刻

8月下旬恒指的波動區間仲窄, 19840~20151, 波幅僅311點, 嘩))) 真係好罕有, 你都知我鍾意游水, 這麼細的波幅扣埋手續費都冇肉食, 身水身汗執一千幾百, 都唔知為乜?

道指四連跌, 過去一個月未試過五連跌, 斷估13000可以一守, 今晚有望作出反彈, 美股有波幅都叫做有數得計, 唉! 上証綜指真係悶死人冇命賠, 你叫我估下周一升定跌我都唔識答, 日日都只係得約20點波幅, 但升跌幾點就足以影響港股上落, 上証綜指在2100穿梭, 上落一.二十點好濕碎, 使唔使咁大反應呀!

soho 你唔好唔寫網誌呀，你、dai dai sir、persie  及陸 sir 我日日都睇，你地寫的網誌幫到我很多，非常感謝，今個月高低波幅有幾多點呀？

上証綜指創41個月新低, 我真係俾呢個「陀衰家」悶到想死, 搞到我連網誌都唔想寫, 中港兩地股民投資意欲都創新低啦! 盂蘭節搵鬼入市

哈)))) #2828 今日收 $98, 跌啦! 繼續跌啦! 我既魔咒好靈咖! 千祈唔好得罪我

恒指連跌兩周喇! 終於磨到去月尾, 7月31日恒指收19796, 今日收19880, 騰來騰去得個桔, 原地踏步

緣仁, 我怕死, 昨日已走了昆侖能源, 你有耐性, 抵你賺! 我連中銀香港也丟了, 怕見光死

QE3似有若無, 中國及歐洲PMI不佳以及業績股拖累港股表現, 外圍亦全面下挫, 今日港股跌幅全面, 金融.公用.地產.工商無一倖免, 走勢好弱, 指數在低位反覆, 毫無起色, 不過我的心水股例如招行.太保.中石油......卻由低位反彈, 未到入貨價, 低位隱約見資金吸納, 中石油表現比預期好, 竟然守到$9.5, 我估係佢本來就跑輸大市, 累積升幅不多, 但中海油出業績時卻在高位, 所以跌幅較大

內地股市真係神台貓屎, 神憎鬼厭, 唔該快d跌死佢, 唔好係度拖拖拉拉, 死唔斷氣, 阻住個地球轉

soho ：今早沽出一手昆侖能源 @13.52 (昨晚已落盤排，都估唔到佢會升咁多)，我好鐘意買這隻股，是我愛股之一，如遲些回落我會買番佢，我長期只看 10-15 隻股，2828 我都會慢慢等佢落

111 / 緣仁, #2828 我會俾耐性慢慢等, 中資企業的業績好屎, #2828始終會回到我身邊, 近日恒指波動區間 19900 ~ 20300, 8月9日恒指高見 20300, 但隨後只係得一次沖高見 20299, 相反, 下試19900就有好多次, 即係下試低位的次數比向上挑戰高位為多, 換句話說, 就係沽壓大過向上動力

昆侖能源中期純利35億元增長32% 不派息

soho ：晚安，我係好息之徒，已入一手中移動，未夠要再入多些，2828 就未到價，135 出入盤都有落無成交

23/8 周四恒指收20132  升244點(最多升245點)  國指收9836 升137點(最多升161點)

業績股真係好難炒, 唔識睇, 加上好多股份見光死, 避之則吉, 等佢跌定才出手

中海油業績差拖累石化雙雄昨日急挫, 中石油剛公布業績, 屎到不得了, 遜市場預期, 這就解釋到為何中石油昨日大跌後今日仍反彈乏力, 春江鴨收到風在業績前出貨, 今日下午中石油升幅逐步收窄, 估計明日油股將會持續受壓

恒指尾市升幅進一步擴大, 以接近全日最高位收, 但國指卻未能更上一層樓, 無法突破上午高位, 國企業績差以及8月 PMI 初值創新低始終壓住指數

油股業績差將會受壓, 權重股內銀業績麻麻, 今日地產股領漲但高位有壓力, 以今個月的走勢格局來看, 反彈完翌日都係跌市, 加上尾市夾硬升多左一浸要嘔番出黎, 所以我估明日港股會回吐, 下周初才開始轉倉, 下周四期指結算, 冇必要明日抽高, 另外道指連跌三天, 13300阻力好大, 今晚表現對明日港股舉足輕重

中移洗倉一成後終喘定, 9月6日派發股息$1.633, 或會有好息之徒進場

剛公布匯豐中國製造業8月 PMI 初值, 大幅回落至47.8, 創9個月新低 , 7月是49.3, 以往數據一出見唔對辦港股就即刻插水, 但今朝港股竟然係冇負面反應, 仲咬住高位, 好明顯今日係由好友掌舵, 昨日恒指跌212點, 10天線在20062, 今日如能收復失地及重上10天線, 就代表好友打算推高轉倉及結算

今個月港股的模式是連跌兩日後必彈, 呢種走勢已經試過三次, 但今個星期連跌兩日後彈唔起, 皆因今次兩連跌跟過去三次好唔同,以往兩連跌累計下跌會有150~330點, 但 20~21/8 兩連跌只得15點, 跌幅太少冇得彈, 到昨日恒指挫212點才達標, 今日港股即刻反彈, 好友咬住二萬點穿梭撐到月尾策略其實冇變, 回顧過去幾次反彈, 都有153~332點升幅, 加上午後歐洲股市應該會反映美股尾市而高開, 所以今日港股好大機會係一升到尾, 挾死淡友

8月份恒指升跌記錄

22/8  (跌212點)
21/8  (跌4點)
20/8  (跌11點)
17/8  (升153點)
16/8  (跌89點)
15/8  (跌239點)
14/8  (升210點)
13/8  (跌54點)
10/8  (跌133點)
9/8   (升204點)
8/8   (跌7點)
7/8   (升73點)
6/8   (升332點)
3/8   (跌24點)
2/8   (跌130點)
1/8   (升23點)

soho

我同你一樣等至愛 #2828 不過今次佢好看似唔多點跌到$98已經有好多吸盤可

向下爆邊, 插穿關鍵位19900

淡友今日成功偷襲, 19900都插穿埋, 我唔得閒掃貨就三連跌喇! 要來的始終會來, 昨日應爆邊, 拖到今日都係走唔甩, 繼失守10天線後, 恒指.國指雙雙失守20天線, 明日又要 soho 出手護盤喇! 下周期指轉倉噢!

由6月份開始恒指未試過四連跌, 明天不好再跌喇! 幸好今日只係小幅跌穿19900, 未可當真, 穿埋19800就真係弊傢伙! 下周四期指結算, 好友大鱷撐左大半個月, 冇理由臨尾香咖!

匯市好地地, 美匯走弱, 歐元.澳元在高位, 油價跌唔落, 周圍都冇事啵! 中移跌勢喘定, 資金轉投聯通及中電信, 大鱷仍然炒得好高興, 冇走鬼, 港股唔通又玩假突破?

本周不明朗的因素有

~ 即將公布內地8月份製造業採購經理指數 (PMI) 預覽值
~ 聯儲局公布息口會議紀錄
~ 明日轉節氣 [ 處暑 ]
~ 昨日人行大規模逆回購令減息/RRR機會急降

呢幾日有股份到價, 夠水位補回, 但見即將公布業績都有d驚, 等出埋業績先郁手, 通常業績期我會減少買賣, 以防踩中地雷, 近排大鱷好興業績前掃高股份, 業績後就掟貨, 但又未必係掟績差股, 插完再抽高, 總之就係好飄忽, 一隻股份業績差又會禍及整個板塊

今次轉節氣 [ 處暑 ] 由於接近轉倉及結算, 我估係向上突破, 但點解係向下突破既?

我的至愛 #2828 包保冇單日洗倉狂插一成, 就黎穿 $98, 跌啦! 跌啦! 愈跌愈買, 我等緊同你復合呀!  Come back to me !

真係好矛盾, 想補回游水貨就梗係想大市跌, 想短炒就梗係想升市

近日恒指波動區間 19900 ~ 20300, 8月9日恒指高見 20300, 但隨後只係得一次沖高見 20299, 相反, 下試19900就有好多次, 即係下試低位的次數比向上挑戰高位為多, 換句話說, 就係沽壓大過向上動力

明日升定跌真係好關鍵, 如果明日續跌, 就係三連跌, 弊傢伙, 破左今個月記錄, 代表淡友發緊功, 另外油股受壓通常股市都不會好

近日業績股大幅波動, 完全唔跟章法, 冇得捉路, 避之則吉 

有 soho 護盤, 無有怕!

21/8 恒指收20100 跌4點    國指收9826 升31點  ~ 齊齊觀望等爆邊

恒指在二萬邊已經足足磨左12日, 唔上唔落, 今年未見過這麼長時間的橫行格局, 古怪到不得了, 不過如果20300係頂, 又點會俾咁多時間散戶走貨呢? 以往見頂的特徵係高位一瞬即逝, 唔會在高位附近磨爛席, 但係今次上升動力又好弱, 呢種市況真係好難炒

恒指已經連續兩日收低於10天線, 不過港股近日大多在10天線穿梭, 指標性不大, 但也要有戒心, 恒指於20300受阻, 同樣地, 道指13300也是阻力位, 大家都企左係度等消息, 現時的隱憂係歐美救市措施冇料到, 又或者係趁措施出台見好消息出貨

近排係公布業績的高峰期, 400隻盈警股真係好得人驚, 資金就不斷換馬, 中移.中海油.利豐瓜左就將資金轉炒其他, 連垃圾體育股都飆升, 癡線! 業績差的股份碌落去又有買盤承接, 大鱷真係炒到樂極忘形, 全球股市真係當歐債危機冇事黎炒, 睇下權重股大插插都拉唔到指數落黎, 周四 [ 處暑 ], 明天起港股已經會感受到轉節氣的威力咖喇! 以往轉節氣有升有跌, 總之就係有大變, 禍福難料

如果業績前有人問你中移大插一成, 恒指會見幾多點, 你一定唔會估恒指仍企20100之上, 但事實就係大鱷抽高其他成份股來抵消中移跌幅, 有乜居心呢? 應跌不跌需防升抑或係十個牛皮九個淡呢? 近日恒指波動區間 19900~20300, 今日就收20100, 剛好企係中間, 人人都等緊向上爆邊, 但係又未見好消息做推升動力, 8月份仲有8個交易日, 就睇大鱷磨到幾時才出手 

人行今日進行大規模逆回購操作, 向市場注入資金, 分析指人行寧願頻繁地逆回購也不想減息/ RRR 以免刺激資產價格及通脹上升, 午後港股拗腰上沖或者同人行放水有關

睇下7月份保費收入, 壽仔屎到痺, 但係就日日收市都企係$21樓上, 死都唔肯落去, 長實日日咬住$110附近, 而和黃就咬住$70附近, 想點呀! 大佬!

7月份保費收入 (按月):
國壽  跌 42.99%
平保  跌 12.40%
財險  跌 25.00%
太保  跌 29.70%

港股尾市作勢倒升, 原來同一時間美匯由 82.32 直插落 82.12, 歐元重上1.24, 乜野事呢? 恒指尾市曾轉跌為升, 該時段成交亦增加, 哈))) 俾多1分鐘 soho 養老金必定可以令大市倒升收市

今個月港股的模式是連跌兩日後必彈, 呢種走勢已經試過三次, 今個星期又連跌兩日喇! 如果明日回升就真係好邪呀! 平心而論, 今次兩連跌跟過去三次好唔同,上幾次累計下跌150~330點, 但今次只得15點, 跌幅太少, 如果明日港股續跌, 就係三連跌, 破左今個月記錄, 代表淡友發緊功

8月份恒指升跌記錄

22/8  ????
21/8  (跌4點)
20/8  (跌11點)
17/8  (升153點)
16/8  (跌89點)
15/8  (跌239點)
14/8  (升210點)
13/8  (跌54點)
10/8  (跌133點)
9/8   (升204點)
8/8   (跌7點)
7/8   (升73點)
6/8   (升332點)
3/8   (跌24點)
2/8   (跌130點)
1/8   (升23點)