祈福唔使燒香燭洪聖殿大玩環保

2013/03/07 08:41:11 網誌分類: 生活

07 Mar

        香港以前係小漁村，為求風調雨順，唔少漁民定時去洪聖殿拜祭。有近百年歷史的大角咀福全街洪聖殿，已評為三級歷史建築，過去九個月封殿重修，好友話畀Kelly知該殿噚日揭幕，加入環保祈福設施，與時並進。

        大角咀洪聖殿係九龍唯一供奉洪聖爺嘅廟宇，據知百多年前由區內街坊所建，後來政府收地，街坊就搵當時的廣華醫院幫忙搵地重建，洪聖殿直至現在都係由東華三院管理。東華三院行政主任梁生話，去年發現屋樑明顯損壞，決定封廟重修；得三百零三位善長捐款一百四十多萬元，再由該院支付大約六十萬元。

        除咗供奉洪聖爺之外，仲有供奉呂祖、何仙姑等。為響應環保，洪聖殿新增唔使燒香燭的祈福「斗桶」及祈福燈；善信只要各畀六十八元，就可以做齊兩個，喺祈福卡寫低心願，一星期後會由有關人士除下。

        KellyChu