開騷講「滾」笑爆肚 未必個個男人都去滾!
2013/06/10 08:41:44 網誌分類: 娛樂
| 森美要滾，聽落就知得啖笑，自嘲窩囊宅男卻跑出來嗌「要滾」，確實夠弔詭，「男人去滾就好似講鬼故咁，一聚埋就會講，佢哋未必真係有撞鬼，亦未必個個想撞鬼，但個個都話自己有撞過鬼㗎。」話題確係夠吸引，至少你會有興趣埋位笑吓。說港人怨氣重，森美便將所見的謬論化成笑話，與眾同樂，「都係想大家開心吓啫，現仍努力修改劇本，想講多點生活趣事，你睇陳山聰分手唔分手都講咁耐，許志安同鄭秀文究竟係一齊定唔一齊呢？事情日日變，劇本日日改！」其實娛樂新聞得啖笑，森美又何須太認真？計我話，埋位即興玩爆肚先最開心，因為夠真。 主持：黃柏高 統籌：林永匡 撰文：彭燕燕 協力：袁東亮 本以為《森美要滾》會是少少鹹多多趣的，原來「滾」是指火滾，「唔知點解香港人好火滾，少少事都會好嬲發脾氣，怨氣太重，個騷係想大家開心笑吓，講吓生活趣事、娛圈八卦、社會民生，香港人對『滾』都好有情意結，男人對這話題就好似講鬼故咁，圍埋就會講，但未必個個都真係有撞鬼，所以我覺得那套《飛虎出征》會啱香港人睇。」將謬論當笑話，讓你我入場瘋狂笑餐飽才是正道，難不成你想付費入場聽怨曲？有時做人真可一笑置之，何須執着。 facebook出征 TalkShow話題最緊要夠精，森美坦言日日改劇本，務求做到最好，「玩了十年舞台劇，係Paco鼓勵我開TalkShow，《金牌司儀》後有《情聖》，今年再來個《森美要滾》，度劇本好大壓力，始終TalkShow唔同舞台劇，唔再係一班人上，亦唔同歌手開騷，歌手開騷首歌好唔好聽大家一早知，自己的歌唔好聽咪唱人哋啲歌，但TalkShow唔可以講人哋啲Gag，你睇陳山聰分手復合又分手，都唔知幾時至真，又或者許志安鄭秀文咁，究竟係一齊定唔一齊先？事情日日變，劇本日日改，會有一段講facebook出征，香港人生活跟facebook很密切的，我成日擔心自己講嘢唔夠好笑，上次直頭唔敢綵排，今次想通了，想把自己的性格放在Show上，建立自己的形象。」森美講嘢唔好笑？扭開收音機自己聽吓就知。堅持把家庭生活低調處理的森美坦言，這次會把家中逸事趣聞公諸同好，「上次有分享求婚過程，今次會講吓自己對仔女的感受，近年開始減少工作多陪家人，有次太太同我講個仔游到一個直池，我即刻走去睇，見到個仔真係游到，那刻好感動，之後又見證到個仔識踩單車，真的很享受那個過程，但個仔認定係媽咪教踩單車的，因為踩成功那次係媽咪推佢，喂，頭七次我推你的，點會係媽咪教你？所以今次到個女學踩單車，我點都要自己教，呢啲嘢記一世㗎！」 擺對腳上枱玩 乜都夠膽玩，森美構思TalkShowposter時，找女模借出修長美腿拍攝，就食正早前被指患有「戀足癖」的Gimmick，「做男藝人我都算窩囊，屬於森美那棵愛情樹沒有枝節的，緋聞永遠都拉不上我，魯芬都冇個，好在家下叫做有對腳，初構思係要對腳分開V字的，但最終因為太性感，決定將對腳放在側邊，好似大提琴咁，好優雅，我唔介意再攞『戀足』出嚟講，都係一個話題啫，有聽我節目的都知我係咩人。」咁不如單刀直入，森美究竟係咪真係鍾意睇腳？「女仔身材是這世上最美的，神造出最美的一件事，腳係最容易見到的，女性對腳係好吸引，有人話男人年紀愈大愈睇得低，我諗我可能嗰頭近，所以會鍾意。」一招四両撥千斤，大家笑吓就算。 |
 | |
| |
 | |
| |
 | |
| |
 | |
 | |
|
今日打電話去3寬頻，相消30天後到期的合約，在音頻電話中找了10多分鐘才找到有人接電，更需再轉換另一人同小弟通話，原來是3寛頻取消服務是這樣的，
先至電找到有要求取消表格，它們除此沒有其他方法，3寛頻會一星寄出表格，客戶收到後寄回，它們收到後跟據郵chop為記的1個月後才幫客戶取消。
大家注意！
3HK初初用都OK, 但近排經常斷線，上個月有人打黎叫我續約，有話可能會搬，仲問過佢地，佢地話可以提供一次免費搬，好彩問多句如果無覆蓋點算，'原來 大埔中心 係無覆蓋'，佢地話重覆蓋就要比埋兩年合約餘下的費用，所以無同佢地續約；但佢地無提過取消原來咁煩，所以一開始就用 '它' 來形容 3，唔係用 '她'，呢D公司只能用 '它'黎形容，因為為左賺錢就無晒人性。
佢地總部在 青衣，但 sorry，就算小弟上佢地 青衣總部佢地都唔倒終止合約 (合約完結期後)，比埋傳真亦唔得，一定只能由佢地郵寄一套兩份的取消合同表，我們填好郵寄比佢地，佢地按郵 chop 日期計 30天後才能取消，(怕佢收到話收唔倒，就要寄掛號)真係問你死未！簡直係 '賤'！
早几日填了—張更改合約表，上面寫住取消合約，今日有人打電話比我問何解取消合約，我話要搬屋，佢地好闗心咁問搬去邊，然后我求其話大埔中心，因为我知佢地無覆蓋，佢地查過后話取消都是要打另一个電話，又係要郵寄表格至能取消，呢間3真係差到呢，只能用一個 賤 字形容！