怪夢

風扇壞左, 發夢去日本城買細細把2XX蚊既風扇~

夢入面, 個收銀猛咁解決前面大陸女人既問題, 我拎住盒風扇等左好耐... (上次去奧海城買野, 屈人寺曾有收銀又係咁, 可能係一種投射) 到企好耐之後個大陸女人終於走左(係喎... 有次日本城都試過俾大陸女人阻住), 我忍唔住狂鬧個收銀~

哈哈, 發夢都咁燥, 可能我好想鬧人, 成日出街俾人洽, 好想鬧爆D人。

另一個夢係, 我上司突然出現嚮老爺奶奶屋企, 拎好多BOOKLETS過黎, 好似有野要改... 上司係澳洲女人, 點會出現嚮老爺奶奶屋企呢? 係咪好搞笑呀? 我係咪工作壓力太大, 唔係返工就去食住家飯... 所以生活只有呢兩種情景? 同埋買野?