洗銀

廿幾年前既時候, 會跟D屋企人去金鋪睇野... 唔記得係婆婆買野, 定係爸媽買野, 每一次間野都送條銀手鏈俾我。

不過十幾年前就唔多送啦, 最後只送左銀戒指。間鋪仲要執埋...

見到D銀手鏈就有種感覺, 係「想起婆婆」既感覺。

以前婆婆對手有D銀鐲、玉鐲, 成日會發出聲響...

前排我執野搵返D銀金鏈, 突然好想洗乾淨D鏈, 拎出黎戴。雖然我已唔係細路女, 中女應該戴有品牌既鏈, 但難得我對手夠幼, 果D咁粗既品牌既鏈唔係我杯茶囉。

係信念...

見到以前D鏈, 回想以前小學時開心既自己... 我想開心, 所以再戴返。用牙膏同眼鏡布抹過, 乾淨好多, 就咁睇唔覺係舊既。

但嚮火車上見到有個女仔戴銀手鏈, 佢條鏈確係閃D... 我自己其中有條鏈比較難洗乾淨, 可能以前D銀有雜質啦, 不過有古雅味道。

銀鏈上既鐺鐺聲, 可能會嘈到其他人, 但我唔理。鐺鐺, 就好似夢想... 我仍然掛住- 夢想。

燒餅買左藍威寶俾我洗D鏈, 唔知藍威寶會唔會傷到D銀呢? 大家試過未? 藍威寶D味攻唔攻鼻架? 我只知自己頂唔順漂白水, 離遠就頂唔順, 所以等燒餅幫我開樽野, 等佢幫我洗