同BB姪女玩 :)

話咁快佢3歲人仔啦喎

今年會讀K1

佢仲未識寫自己個名...

幼稚園開始有比賽俾佢玩

一個係親子繪畫比賽

一個係親子花燈設計

好開心我可以同佢一齊整

好想佢可以攞奬, 但唔知得唔得架...

我既理念係

我當然可以完成一部份, 但我希望佢可以做埋佢可以完成既部份

細個既時候

有個同學既媽媽手工勁好

佢D功課全部好靚

但如果係功課而唔係親子比賽

我就應該唔會插手咁多落去姪女既作品

唔怪得

世界上有咁多親子比賽

因為小朋友咁細, 好多野都未識

日日可以食、玩、睡就係開心到飛起既生活

佢可以拎住個塑膠波

向住燒餅狂擲

然後仲會拎住支棒同燒餅講「姑丈, 你行過黎俾我打!」

想起就笑到碌地了...

燒餅想起都笑死了...

所謂家有一老如有一寶

其實家有一個小寶寶, 都開心執到寶