凍感之都反擊隊

2013/11/06 14:23:11 網誌分類: 健康

06 Nov

大家有睇我BLOG都知我有冷氣病同鼻敏感、皮膚敏感... 有冷氣既地方, 會頭赤、留鼻水, 仲成日眼乾、眼睏, 凍得濟有時仲神志唔係咁清醒 ${#icons_cat5}$

大家亦知我個胃有問題。我寒底架, 個胃更加唔凍得, 所以我加入左FACEBOOK既「凍感之都反擊隊」群組。

雖然只係 ${#icons_girl3}$ 小市民之間成立既互助組織, 需要靠一D環保或者其他團體力量, 但人多D既話, 對D冷氣勁凍既交通公具/ 公共場所施壓, 總好過得一兩丁友俾投訴信佢地丫。

暫時兩大忠旨係 ( 1) 為左環保, 要求溫度唔可以低於25.5

(2) 為左健康, 要求溫度唔可以低於25.5 ${#icons_girl1}$

而呢個群組會透過/ 借助團體透過問卷、簽名等活動, 向營運公共交通公具及場所既人施壓。

無論你係關注環保, 定係關注健康, 如果你屋企既 ${#icons_dog9}$ 小朋友同長者成日出入冷氣場所會凍、唔舒服, 甚至病埋, 請參加呢個GROUP, 一齊努力改變現狀。如果你就係受害者, 更加要企出黎! 呢個絕對係網上既小市民組織, ${#icons_dog10}$ 你唔使講野, 只需要打字; 你唔使露面, 只需要加入。嚮個GROUP, 你可以寫你既心底話, 例如: 「次次坐火車都會凍到肚痛」/ 「一入商場就會頭痛」... 只要多D人, 寫多幾句, 更多人將心底話講出黎, 民情既力量可以好大架!