Cool魔紅館玩3D特效 張智霖︰希望給觀眾驚喜！
2014/05/19 08:43:41 網誌分類: 生活
| 先恭喜張智霖Chilam成功憑「Cool魔」一角再攀事業高峰，說到七月再踏紅館台板舉行三場演唱會，Chilam坦言不容有失，「觀眾不會再給你同情分，所以一定要做得更好，我們找了梁翹柏當音樂總監，又設計好多3D映像在舞台上周圍飛，觀眾會睇得好開心，其實每位入場的觀眾都是我恩人，是我的義氣仔女。」 主持：黃柏高統籌：林永匡協力：彭燕燕 攝影：張詠森化妝：HettyKwong 髮型：VicKwan@IIsalon 服裝：I.T.場地提供：翠亨村（電話：24094822） 順住「Cool魔」個勢去玩，張智霖宣佈七月六日舉行三場《ChilamCrazyHoursLive》演唱會，歌迷爭住捧場，演唱會開賣即爆。相隔三年再踏紅館台板，Chilam說：「我覺得第一次永遠容易，因為你會把自己最好的爆發出來，但第二次再做真係難，你不可以重複得太多，經典作一定要唱，但format要有唔同，同埋第二次觀眾不會給你太多同情分，所以自己要做得更加好，一定要有進步，再者，對我這類又拍戲又拍廣告的歌手來說，能在紅館開演唱會都係奇蹟，所以今次要試吓四面台，要看看究竟有幾迷失，人一世物一世，我相信我有把握做得好的。」Chilam特意找比利時神級設計師AnnDem設計服裝，誠意十足。 梁翹柏坐鎮 Chilam的演唱會命名《CrazyHour》，意指這是一場玩樂表演，在台上大派禮物，跟觀眾玩成一片，還找來內地熱爆節目《我是歌手》的音樂總監梁翹柏出手推高氣氛，「想每個範疇每個位置放最好的，找梁翹柏先生幫手全因為睇了《我是歌手》這節目，覺得那些歌很好聽，但他比較忙，都等了好耐才得到答覆。」基本上，Rundown一出，Chilam已追住梁翹柏攞歌，「這次除了自己的作品，都會唱別人的歌，我好鍾意《歲月如歌》隻碟，那些都是自己一直心儀的作品，還會挑戰韓語歌，當年Paco為我挑選的《祝君好》正是不折不扣的韓語歌。」Chilam笑言為讓觀眾聽出共鳴，要在台上原汁原味演繹《祝君好》，「真係一粒音都不能改。」 玩3D共舞 Chilam得老闆蕭定一全力支持下，舞台設計可以更揼本，四面台玩3D影像？聽落就知趣，「視覺效果非常厲害，玩3D投射效果，我們花了很多時間去研究那個可行性，如三面台就容易好多，將所有嘢打晒一邊就得，但四面台就要花上很多錢和設計才會沒盲點去睇到一個3D的情況，這次經驗讓我學識很多，我相信到時最enjoy係我自己，因我企在舞台中心，可感受到那些3D影像在身邊轉來轉去，真係樂在其中，然而觀眾亦會覺得非常之好睇，除了前排觀眾外，四百八十元或山頂的觀眾都會有好好的視覺享受，是真的可以照顧晒，其實每位入場的觀眾都是我恩人，是我的義氣仔女。」 神秘嘉賓夠驚喜 還記得三年前的演唱會，Chilam把兒子帶上舞台，問他這次嘉賓陣容，Chilam故作神秘地說：「原先度Rundown時無諗過安排，因每個環節都好緊密，但又會想，如果有嘉賓會否有意想不到的效果呢？觀眾睇騷係要好娛樂性，而我都好願意去娛樂人，希望觀眾有個好開心愉快一晚，所以今次嘉賓會是你意想不到的，這是我們的宗旨，之前請過草蜢、阿王（郭富城），今次應該不會勞煩他們了，而曾跟我合作過的都盡量唔會去諗，你諗到我可能會請的都唔會，希望給觀眾驚喜。」 黃柏高 |
 | |
 | |
| |
 | |
| |
 | |
 | |
| |
 | |
| |
 | |
| |
 | |
|
回應 (0)
我要發表
