我似輕塵

我在回程德航機中, 坐在两位女仕中間ｏ埋边是老妻, 出边是一妙齡靚女, 在中間的我, 两边都唔敢得失, 唯有一個人烏吓烏吓, 又瞓唔着ｏ

想吓想吓, 忽然諗到隻飛機, 一個唔該, 飛咗去百慕達神秘三角ｏ消失在神秘空間, 咁咪冇得玩７我D唱歌嘅靚師妹們, 同埋D曲友, 網友咪好鬼悶, 起碼我都算唱得好, 風趣, 有型, 幽默吖, 雖然年紀唔輕,但心境青春嘛ｏ冇咗我, 點算呢？咁我D跳舞靚師妹, 唔知揾唔揾倒好似我咁天下無敵既PARTNER噃？

架飛機在黑暗中, 都唔知飛鬼咗去边, 佢地話飛番香港, D德國佬真係信唔過, 佢夠同D猶太佬話送佢地去家鄉, 結果咪送佢地去鬼咗毒氣室ｏ不過德航D空姐都每NICE, 攞水又得, 攞酒又得, 唔知有冇玩具攞呢？咁死悶, 揾D嘢玩吓, 就好嘞ｏ

諗吓諗吓, 似乎個心都唔係好放得落, 又唔知可唔可以去駕駛室睇吓, 係咪真係飛緊呢？但又驚俾人誤會我入去刼機咪死？睇吓睇吓, 又似有D中東佬, 似足D電視上的恐怖份子ｏ如果佢地發難, 我好唔好拯身而出, 去救全機老弱婦孺呢？話晒我都學過幾年詠春拳, 太極一百零八式都記得攬雀尾, 提手上勢, 云手吖ｏ都怕夠殺啩？氣功又識鶴翔樁, 動功靜功, D中東佬或者冇咁叻啩, 娶咗四個老婆, 都虧晒啦ｏ我一個就啱啱好嘞！咦？……….

忽然機倉D燈亮起, 原來已到香港赤𩶘角上空, 恐怖分子冇發難, 黃SIR唔駛出手, 又可以返到香港去陳耀星小學上粵曲班！好嘢！